Տորոնտոյի խանութներից մեկի  հաճախորդները նկատել են մի կապիկի, որի հագին ձմեռային տաք վերարկու է եղել:

Այդ կապիկին տասնյակ հաճախորդներ են  տեսել: Նրանք խանութի այդ անսովոր հաճախորդին նկարել և նկարը տեղադրել են «Թվիթերում»։ Այսպիսով նրա մասին նորությունը տարածվել է բոլոր սոցիալական կայքերում: Այնուհետև խանութ են կանչել կենդանիների հաշվառման մասնագետների  և կապիկին ապաստարան տեղափոխել: Կենդանուն քննելուց հետո մասնագետները նկատել են, որ նա լիովին առողջ է, սակայն խանութում հայտնվելով բոլորի ուշադրության կենտրոնում՝ չափազանց ճնշված է։ (Նաև պարզվել է, որ կապիկը  7 ամսական մակակ–ռեզուս է):

Պարզվում է, որ կապիկը փախել էր տիրոջ մեքենայից, սակայն տերերին 240 դոլարի չափով տուգանք է նշանակվել, իսկ կապիկին այլևս ետ չեն վերադարձնելու, քանի որ Օնտարիոյում ռեզուս պահելն արգելվում է: