Վրաստանի նախկին վարչապետ Վանո Մերաբիշվիլին, ով նաև ՆԳ նախկին նախարարն էր, հայ–վրացական սահմանն անօրինական կերպով հատել փորձելու համար հարցաքննվել է։ Այն տևել է մոտ 5 ժամ։ Մերաբիշվիլին հերքել է իրեն առաջադրված մեղադրանքը: 

Ավելի վաղ Վրաստանի ՆԳՆ մամուլի ծառայությունը հայտարարություն էր տարածել, որում ասվում էր, որ Վանո Մերաբիշվիլին փորձել է անօրինական կերպով հատել վրաց-հայկական սահմանը, ինչի կապակցությամբ քրեական գործ է հարուցվել։ Պարզվել էր, որ Մերաբիշվիլին սահմանը փորձել է հատել Գորա Ծերեթելի անուն–ազգանունով և ՆԳՆ նախկին փոխնախարար Գեորգի Լորդկիպանիձեի լուսանկարով անձնագրով: Վերջինը հաստատել է նման անձնագրի գոյությունը և ավելացրել, որ այդպիսին կարող են ունենալ ՆԳՆ այլ աշխատակիցներ ևս։

7or.am