«Իրանի իսլամական հանրապետությունը աջակցել է Թուրքիային` անդամակցելու Եվրամիությանը, և նույնը անելու է ապագայում»,- հայտարարել է Թուրքիայում Իրանի դեսպան Բահման Հոսեյնպուրը, Թուրքիայի պետնախարար Էգմեն Բաղիսի հետ հանդիպման ժամանակ։ Անդրադառնալով տարածաշրջանային խնդիրներին՝ Հոսեյնպուրը նշել է, որ ռեգիոնալ խնդիրների լուծման գործում Իրանն ու Թուրքիան կարող են ընդլայնել համագործակցությունը։ «Այլ երկրների միջամտության ոչ մի անհրաժեշտություն չկա»,-ասել է նա։