Ադրբեջանական լրատվամիջոցների հաղորդմամբ՝ Սումգայիթ քաղաքում պայթյուն է որոտացել, որի հետևանքով ավելի քան 6 մարդ է զոհվել: Պատահարը տեղի է ունեցել քաղաքի գործարաններից մեկում. պատճառ է հանդիսացել վառելիքի պահեստում բռնկված հրդեհը:

«1News.az»-ի տեղեկություններով` տուժածների թիվը հասել է 80-ի:

Հաղորդվում է, որ եղել է երկու պայթյուն. առաջինը տեղի է ունեցել փայտամշակման ձեռնարկությունում, երկրորդը`գործարանի տարածքում տեղակայված նավթային պահեստների մոտ: