Սիրիայի արտաքին գործերի նախարարությունը կոշտ պատասխան է տվել երեկ  Թուրքիայի վարչապետ Էրդողանի արած այն հայտարարությանը, թե Սիրիայի նախագահ Բաշար Ասադը քաղաքական դիակ է։ ԱԳՆ–ն անդրադարձել է նաև Թուրքիայի այն մեղադրանքներին, թե Սիրիան զբաղվում է ահաբեկչությամբ։  Այս մասին տեղեկացնում է «ՍԱՆԱ» գործակալությունը։

«Էրդողանը Սիրիային մեղադրում է ահաբեկության համար, միչդեռ նրա կառավարությունը բացահայտ կերպով աջակցում, պատրաստում և թաքցնում է ահաբեկիչներին, օգնում է նրանց ներխուժել սիրիական տարածք:

Այն ժամանակ, երբ Էրդողանը միջազգային բոլոր հանդիպումների ժամանակ հայտարարում  է սիրիական տարածքում բուֆերային տարածքներ ստեղծելու անհրաժետության մասին, պետք է հիշել, որ ավելի վաղ Թուրքիայի և Սիրիայի միջև հաստատվել էին տնտեսական համագործակցության և ժողովուրդների եղբայրության օրինակելի հարաբերություններ: Երկրների միջև հաստատվել էր ակտիվ առևտուր։ Սակայն այժմ Էրդողանի ագրեսիվ քաղաքականության հետևանքով  երկու երկրների միջև հարաբերությունները սրվել են: Նա  մոռացության է մատնել երկու ժողովուրդների միջև առկա բարիդրացիական հարաբերությունները»,-ասված է սիրիական ԱԳՆ–ի հայտարարության մեջ: