Հաշվի առնելով Հայաստանի Հանրապետությանը առաջարկվող անդամակցությունը Եվրասիական Միությանը, ողջունելով Ռուսաստանի Դաշնության Նախագահ Վլադիմիր Պուտինի կողմից առաջ քաշվող թեզը առ այն, որ հեռանկարում անհրաժեշտ է ստեղծել ազատ առևտրի տարածք Վլադիվաստոկից մինչև Լիսաբոն, 

Ողջունելով Հայաստանի Հանրապետության և Եվրոպական Միության միջև ձևավորված աննախադեպ սերտ փոխգործակցությունը քաղաքական ասոցացման և տնտեսական ինտեգրման ճանապարհին, 

Փաստելով, որ Եվրոպական Միության ինտեգրվելու հեռանկարը Հայաստանում վայելում է հասարակության լայն շրջանակների աջակցությունը, ինչը արտացոլվում է Ազգային Ժողովում և քաղաքացիական հարթակներում, 

Բարձր գնահատելով Հայաստանի Հանրապետության և Ռուսաստանի Դաշնության միջև ավանդույթների հիման վրա ստեղծված ռազմավարական գործակցությունը, 

Եվրոպական Շարժումը կարևորում է Հայաստանի տնտեսության արդիականացումը և համապատասանեցումը եվրոպական չափանիշներին և նորմերին: Եվրոպական ինտեգրման ուղին Հայաստանի համար, ինչպես և նախկինում այլընտրանք չպետք է ունենա, այն պետք է դիտվի իբրև տարածաշրջանում խաղաղություն հաստատելու, հասարակությունների և ազգերի միջև համերաշխություն սերմանելու և վերջիններս արդիականացնելու, ժողովրդավարության և մարդու իրավունքների նկատմամբ հարգանքիմակարդակի բարձրացման բացառիկ պատմական հնարավորություն: Մյուս կողմից, չափազանց կարևորում ենք Հայաստանին դաշնակից հետխորհրդային մյուս պետությունների, այդ թվում Ռուսաստանի Դաշնության ինտեգրումը նույն արժեհամակարգին: 

Հայաստանի եվրոպական շարժում