Ռուսաստանի Դաշնության Կենտրոնական բանկը Լոնդոնի օլիմպիական խաղերում Ռուսաստանը ներկայացնող չեմպիոնների ու մրցանակակիրների անուններով մետաղադրամներ կթողարկի: Այս մասին, «Ռեգնում»-ի փոխանցմամբ, հայտարարել է ՌԴ նախագահ Վլադիմիր Պուտինը:

–Մենք զրուցել ենք  Կենտրոնական բանկի նախագահ Սերգեյ Իգնատևի հետ: Ըստ պայմանավորվածության` օլիմպիական խաղերի արդյունքներով կթողարկվեն չեմպիոնների ու մրցանակակիրների անուններով 1 ռուբլի անվանական արժեքով մետաղադրամներ,–ասել է Պուտինը:

Հիշեցնենք, որ Ռուսաստանը խաղերի մեկնարկից ի վեր նվաճել է 3 ոսկե, 12 արծաթե ու 8 բրոնզե մեդալ: Առաջին ոսկե մեդալը Ռուսաստանի հավաքականին է պարգևել հայազգի ձյուդոյիստ Արսեն Գալստյանը: