«Սիրիայի ազատ բանակը» հայտարարել է, որ իր վերահսկողության տակ է վերցրել Հալեպ քաղաքի մոտ 60%-ը։ Այս մասին հաղորդում է «Ալ Արաբիա» հեռուստաընկերությունը:

Վերջին տեղեկություններով՝ ամենաթեժ մարտերը տեղի են ունենում Սալահեդդին թաղամասում, որով անցնում է Հալեպը երկրի կենտրոնական հատվածներին ու Դամասկոսին միացնող խճուղին: Ըստ ապստամբների՝ թաղամասն իրենց ձեռքում է, սակայն կառավարական ուժերն անդադար գրոհներ են կազմակերպում:

Նշվում է, որ երեկ Հալեպում հակակառավարական խոշոր ցույց է տեղի ունեցել, ինչը գրեթե անհնար էր մինչ վերջերս` «Շաբիհա» ալևիական ստորաբաժանումների առկայության պատճառով: Այս հանգամանքը, ըստ ապստամբների, ևս խոսում է այն ամսին, որ իրենք վերահսկում են քաղաքի կեսից ավելին։