ԵՄ արտաքին հարաբերությունների և անվտանգության գերագույն հանձնակատար Քեթրին Էշթոնը հայտարարել է, որ Թեհրանը պատրաստ է միջազգային միջնորդների հետ օգոստոսի վերջին վերսկսել բանակցությունները  իր միջուկային խնդրի շուրջ։ Այս մասին տեղեկացնում է «Ռոսբալտը»։

Էշթոնը շեշտել է, որ Իրանի անվտանգության գերագույն խորհրդի ղեկավարն ընդունել է այս առաջարկը.

 –Ես դոկտոր Ջալիլիին առաջարկել եմ անհրաժեշտ մտորումներից հետո այս ամսվա վերջին վերսկսել քննարկումները, և նա համաձայնել է։

Միաժամանակ, Էշթոնը չի հստակեցրել, թե բանակցությունների ինչպիսի՞ ձևաչափի  մասին է խոսքը` հեռախոսայի՞ն, թե՞ անձնական հանդիպման:

Հիշեցնենք, որ  Իրանի և միջնորդ «վեցյակի»` ԱՄՆ-ի, Ռուսաստանի, Չինաստանի, Ֆրանսիայի, Մեծ Բրիտանիայի ու Գերմանիայի միջև բանակցությունների վերջին փուլն անցկացվել էր Ստամբուլում հուլիսի 24-ին: