Ռուսական «ВЗГЛЯД» թերթի փոխանցմամբ՝ վրացի ընդդիմադիր միլիարդատեր, «Վրացական երազանք» քաղաքական կոալիցիայի առաջնորդ Բիձինա Իվանիշվիլիի խորհրդական, փորձագետ Գիա Խուխաշվիլիի բնակարանում հայտնաբերվել են լսող սարքեր: Այս մասին հայտարարել է «Վրացական երազանքի» մամլո քարտուղար Մայա Պանջիկիձեն: Վերջինիս խոսքերով՝ այդ սարքերը տրվելու են դիվանագիտական կորպուսին ու միջազգային կազմակերպություններին: Կոալիցիան դիմել է իրավապահների օգնությանը՝ խնդրելով հետաքննել այդ գործը և արդյունքների մասին իրազեկել հասարակությանը: Լսող սարքը հայտնաբերվել է փորձագետի տան առաստաղին, իսկ հարևան ոչ բնակելի շինության վրա տեղադրված է եղել հաղորդիչը: Բիձինա Իվանիշվիլին դեռ չի մեկնաբանել տեղի ունեցածը: Կա կարծիք, որ այս ամենի մեջ իշխանության մատն է խառը։