Աշխարհ

18.03.2023 18:53


Բազմակի օգտագործման շշերում ավելի շատ մանրէներ են ապրում, քան զուգարանակոնքի նստատեղին

Բազմակի օգտագործման շշերում ավելի շատ մանրէներ են ապրում, քան զուգարանակոնքի նստատեղին

Ջրի մաքրման ամերիկացի մասնագետները բազմակի օգտագործման շշերի վրա 40 000 անգամ ավելի շատ մանրէներ են հայտնաբերել, քան զուգարանակոնքի նստատեղի վրա։ Շշերի վրա ապրում են երկու տեսակի մանրէներ՝ գրամ բացասական ցուպիկներ և բացիլներ։ Առաջինը կարող է թոքաբորբ առաջացնել և այլ լուրջ վարակներ, իսկ երկրորդը՝ ստամոքս-աղիքային համակարգի հետ կապված խնդիրներ, այդ թվում՝ սրտխառնոց, փսխում և փորլուծություն, գրում է Daily mail-ը:

Գիտնականները մանրէների կոնցենտրացիան գնահատել են գաղութներ ձևավորող միավորներում (CFU): Միջինում, բազմակի օգտագործման շշերը պարունակել են 20,8 միլիոն CFU գրամ բացասական մանրէներ: Դրանց մեծ մասը եղել է բերանի և կափարիչի վրա՝ 30 մլն CFU։ Համեմատության համար, մաքուր զուգարանակոնքի նստատեղին ընդամենը 515 CFU կա:

Բազմակի օգտագործման շշերը հինգ անգամ ավելի շատ մանրէներ են պարունակում, քան համակարգչային մկնիկը և 14 անգամ ավելի, քան կատվի կերակրամանը:

Այնուամենայնիվ, մասնագետներն ասում են, որ հայտնաբերված մանրէների տեսակները հիմնականում անվտանգ են մարդկանց համար: Նրանց առկայությունը հուշում է, որ տարան պարզապես վատ է լվացվել։ Դրա համար հարկավոր է տաք օճառաջուր օգտագործել:

Աղբյուրը՝ news.am

Այս խորագրի վերջին նյութերը