Եգիպտացի հնագետները 1800-ամյա «հռոմեական դարաշրջանի բնակելի քաղաք» են հայտնաբերել հարավային Լյուքսոր քաղաքի սրտում, հայտնում է AP-ն։

Եգիպտոսի հնությունների բարձրագույն խորհրդի ղեկավար Մոստաֆա Վազիրիի խոսքով, քաղաքը, որը կառուցվել է երկրորդ և երրորդ դարերում, «Լյուքսորի արևելյան ափի ամենահին և կարևոր քաղաքն է»:

Հնագետները հայտնաբերել են «մի շարք բնակելի շենքեր», ինչպես նաև «երկու աղավնի աշտարակներ»՝ կառույց, որն օգտագործվում է աղավնիներ պահելու համար և «մետաղական արհեստանոցների շարք»։

Արհեստանոցների ներսում հետազոտողները հայտնաբերել են կաթսաների, գործիքների և «բրոնզե և պղնձե հռոմեական մետաղադրամների» հավաքածու։

Աղբյուրը՝ news.am