Հարավկորեական Samsung ընկերությունը ցուցադրել է նոր դիսփլեյի նախատիպը, որը կարող է ծալվել տարբեր ուղղություններով՝ 360 աստիճանով։ Այս մասին հայտնում է The Verge-ը։

Նշվում է, որ առաջին անգամ նման էկրան ցուցադրել է Samsung Display-ը՝ Samsung-ի դուստր ձեռնարկությունը։ Նախատիպը կոչվում է Flex In & Out և կարող է ծալվել ներս կամ դուրս:

Իր գաջեթներում հարավկորեական կորպորացիան մինչ այժմ օգտագործում է էկրաններ, որոնք ծալվում են մեկ ուղղությամբ, օրինակ՝ ինչպես 2022 թվականի օգոստոսին ներկայացված Galaxy Z Fold 4-ի դեպքում:

Ըստ The Verge-ի՝ նոր էկրանը կկիրառվի Samsung Galaxy Z Fold 5 սմարթֆոնում։