Ամստերդամի կենտրոնական կայարանի մոտ 7000 հեծանիվների համար ստորջրյա ավտոտնակ է կառուցվել։ Այն գտնվում է անմիջապես հայտնի քաղաքային ջրանցքների տակ։

Ավտոտնակը հնարավորություն կտա ափն ազատել հազարավոր հեծանիվներից, որոնք պարբերաբար թողնում են ուղևորները։ Այնտեղ տրանսպորտային միջոցը կարելի է կայանել մեկ օր անվճար, այնուհետև օրական 1,35 եվրոյով։

«Կենտրոնական կայարանը Ամստերդամի ամենաբանուկ վայրերից է։ Քաղաքային իշխանությունը որոշել է հեշտացնել հեծանիվների համար կայանատեղին՝ հետիոտներին, զբոսաշրջիկներին և սահմանափակ հնարավորություններով մարդկանց հասարակական տարածքը վերադարձնելու համար»,-ասել է քաղաքապետարանի ներկայացուցիչ Փիթեր Վիսերը։

Ըստ վերջին տվյալների՝ Ամստերդամի 835,000 բնակիչ օրական հեծանիվով միջինում 665,000 ուղևորություն է կատարում է, ինչը կազմում է քաղաքով ընդհանուր տեղաշարժի 36 տոկոսը (մեքենայով՝ 24 տոկոսի համեմատ):

Աղբյուրը՝ news.am