Օգոստոսի 24-ին խոտածածկ տարածքներ են այրվել հանրապետության մի շարք մարզերում: Մասնավորապես, Երևան քաղաքի Սարալանջի փողոցի հարակից երկաթգծի մոտակայքում`1500քմ, Հրազդանի կիրճում (մանկական երկաթուղու մոտակայքում)`2000քմ, Հրազդանի կիրճում (Թբիլիսյան խճուղու կողմից)`1000քմ, Բագրևանդի փողոցի թիվ 49 տան մոտակայքում`3000քմ, Գլինկայի փողոցի թիվ 23 շենքի մոտակայքում`1000քմ, Սարի թաղի  20-րդ փողոցում`1500քմ,Արարատի մարզի Դարակերտ գյուղում`3000քմ, Նոր Խարբերդ գյուղում`1000քմ, Վայոց ձորի մարզի Ելփին գյուղում`15հա, Արագածոտնի մարզի Աշտարակ քաղաքում`1հա, Կոտայքի մարզի Քասախ գյուղում`1000քմ, Աբովյան քաղաքի ’’Կոտայք’’ մարզադաշտի մոտակայքում`3հա, Արմավիրի մարզի Պտղունք գյուղում`2հա:

Բոլոր հրդեհները մեկուսացվել և մարվել են հրշեջ-փրկարարների կողմից:

…

Օգոստոսի 24-ին`ժամը 12.47-ին ահազանգ է ստացվել, որ Գեղարքունիքի մարզի Լճաշեն գյուղում այրվում է տուն:

Դեպքի վայր է մեկնել  երկու մարտական հաշվարկ:

Տեղում պարզվել է, որ այրվում է անասնակեր:

Հրդեհը մեկուսացվել է ժամը 13.03-ին, մարվել`13.55-ին:

Դանիելյանի տան բակում այրվել է 500 կգ  կուտակած անասնակեր:

…

Նույն օրը`ժամը 13.18-ին ահազանգ է ստացվել, որ Շիրակի մարզի Ազատան գյուղում այրվում է խոտածածկ տարածք:

Դեպքի վայր է մեկնել մեկ մարտական հաշվարկ:

Հրդեհը մեկուսացվել է ժամը 13.44-ին, մարվել`15.17-ին:

Սաֆարյանի տան բակում այրվել է 200 հակ անասնակեր:

…

Նույն օրը`ժամը 16.03-ին ահազանգ է ստացվել, որ հրդեհ է բռնկվել Շիրակի մարզի Շիրակ գյուղի անասնագոմերում:

Դեպքի վայր է մեկնել մեկ մարտական հաշվարկ:Պահանջվել է օգնություն`դեպքի վայր է մեկնել երկրորդ մարտական հաշվարկը:

Հրդեհը մեկուսացվել է ժամը 18.21-ին:

Այրվել է Կավանյանին պատկանող ավտոտնակը (48 քմ), այնտեղ կուտակած 300 կգ ցորեն, 200 կգ գարու թեփ և 10 խմ աթար. անասնագոմում (60քմ) և բակում կուտակած 1800 հակ անասնակեր:

…

Օգոստոսի 25-ին`ժամը 00.43-ին ահազանգ է ստացվել, որ Լոռու մարզի Ստեփանավան քաղաքի մերձակայքում (թունելի մոտ) այրվում է տնակ:

Դեպքի վայր է մեկնել մեկ մարտական հաշվարկ:

Հրդեհը մեկուսացվել է ժամը 01.10-ին, մարվել` 02.00-ին: Ամբողջությամբ այրվել է Ստեփանավան-Վանաձոր ավտոճանապարհի 17-րդ կմ-ում գտնվող Դոխոլյանին պատկանող վագոն-տնակը` 18 քմ մակերեսով: