Նիկոլ Փաշինյանը խոստովանեց, թե ինչու է գողացել «Հայաստան» հիմնադրամի փողերը

● Մեկնաբանություն

26.03.2021 ● 15:32

Նիկոլ Փաշինյանը խոստովանեց, թե ինչու է գողացել «Հայաստան» հիմնադրամի փողերը

Հայաստանի նորանկախ պատմության մեջ տեղի է ունեցել ամենալկտի թալանը։ Նիկոլ Փաշինյանը գողացել է պատերազմի օրերին համայն հայության կողմից հավաքված փողերն ու «պետականացրել» դրանք։ Խոսքը «Հայաստան» հիմնադրամից վերցրած 52 միլիարդ դրամի մասին է։

«Հիմնավորում» են, թե բա պետական բյուջե ենք մտցրել փողերը ու չենք կարող ասել, թե կոնկրետ ինչ ուղղությամբ ենք ծախսել։ Ահա այդպես։ Թալանից, կոռուպցիայից բողոքող և «ժողովրդից բան չթաքցնելու» խոստում տված Նիկոլն ամենաթալանչիական վարքագիծն է դրսևորում։

Նիկոլը հիմնադրամի փողերը մտցրել է պետբյուջեի մեջ, քանզի պետբյուջեին վերաբերում է ընտանեկան բյուջեի պես և օգտագործում բացառապես սեփական աթոռը պահելու նպատակով։

Երբ Նիկոլը խզբզում էր, որ Հայաստանն իր օջախն է, իսկ ժողովուրդն՝ իր ընտանիքը, «թարգմանաբար» դա նշանակում էր, որ ինքը Հայաստանը դիտարկում է որպես տնամերձ բոստան, ժողովրդին՝ օգտագործման ենթակա մատերիալ, իսկ մեր երկրի բյուջեն՝ սեփական գրպանի պարունակություն։

Նիկոլը մի խնդիր ունի։ Իշխանությունը պահել ու փող թալանել։ Կապիտուլյացիայից հետո ավելացել է նաև կաշին փրկելու մոտիվացիան։ Ահա կաշվի համար էլ նա շրջապատել է իրեն ոստիկաններով ու դիպուկահարներով։

Մեկ դերասանի թատրոն հիշեցնող իշխանական համակարգ սարքելու համար նրան փող է պետք։ Մի մասը նա աշխատում է իրեն կից օլիգարխ Խաչատուր Սուքիասյանի միջոցով, ինչպես նաև այլ նոր հարուստներ աճացնելու օգնությամբ։ Փողի մյուս մասը նա գտնում է պետական բյուջեում։ Ուսապարկերին կաշառում է պարգևավճարով ու «լևի» փող տալով, որ իրեն չքցեն, իսկ ոստիկաններին օրերս որոշեց կաշառել՝ պետբյուջեի հաշվին աշխատավարձ բարձրացնելով։ Ահա՛ թե ուր են գնում «Հայաստան» հիմնադրամից գողացած փողերը՝ ոստիկաններին կաշառելու գործին։ Նիկոլին մյուս բյուջետայինները չեն հետաքրքրում, քանզի մյուսներն իրեն փողոցում չեն պաշտպանում ու չեն օգնում 20 մետր ոտքով տեղաշարժվել։

Արտահերթ ընտրություններին ընդառաջ ոստիկանների ախատավարձը գրեթե կրկնակի բարձրացնելը ընտրակաշառք է։ Դա նաև ցույց է տալիս, թե ում վրա է հենված Նիկոլը՝ բացառապես ոստիկանության։ «Ժողովրդական մասովկաները» ձևի համար են։

Ոստիկաններին կաշառելը ցույց է տալիս նաև, որ Նիկոլը պատրաստվում է կեղծիքների։ Իսկ դա հուշում է, որ այս ամենն ավարտվելու է լուրջ խնդիրներով, լուրջ ցնցումներով։ Հայաստանը կդիմանա՞ այդ ցնցումներին։

Պետրոս Ալեքսանյան

● Այս խորագրի վերջին նյութերը

Ի՞նչ կլիներ, եթե ․․․, ի՞նչ կլինի, եթե ․․․

12.04.2024 ● 17:08

Հետագա «եթե»–ներից խուսափելու և նոր արհավիրքներ չունենալու համար պետք է վռնդել Նիկոլ Փաշինյանին վարչապետի կաբինետից։

Ինչու է թրաշված/անթրաշ Տիգրան Ավինյանը չզեկուցվող դարձնում կասկածելի հարցերը

12.04.2024 ● 16:55

Տիգրան Ավինյանը շինթուլյտվությունների և փողաբեր այլ հարցերի քննարկումները տեղափոխել է հանձնաժողովներ, որոնք հիմնականում չեն լուսաբանվում։ Նույն այդ հարցերը նա ավագանու նիստերի ժամանակ չի ուզում զեկուցել։

Ենիչերիները

12.04.2024 ● 15:23

Թող «խոզն» ու մյուսներն իրենց վատ չզգան, քանզի իրենք էլ են ենիչերիներ, բայց Arabat–ին ու Ալենին չեն հասնի

Փաշինյանի բանաձևը՝ եթե հողերը հանձնենք, ապա երաշխիք չկա, որ պատերազմ չի լինի, բայց «զատո» Ադրբեջանի հարձակման դեպքում լեգիտիմ բողոքելու հնարավորություն կստանանք»

10.04.2024 ● 13:57

Նիկոլ Փաշինյանը համաձայնում է Տավուշում տարածքներ զիջել՝ յենիչերիական էնտուզիազմով հիմնավորելով այդ տարածքների ադրբեջանական լինելը։

Փաշինյանը մինչև վերջին հայը պայքարում է Մոսկվայի դեմ ու հանուն իր անձնական շահերի

09.04.2024 ● 14:31

Փաշինյանի համար Հայաստանն այլևս գոյություն չունի։ Ինքը գիտի, թե ինչ է արել ու իր կաշվի փրկության հարցն է լուծում։ Ուզում է փախնելու տեղ ունենալ։

Ինչից է ոգևորված Արարատ/Arabat Միրզոյանը

08.04.2024 ● 16:59

Ինչի՞ց է ոգևորված խոսում Արարատ/Arabat–ը։ Միգուցե 270 միլիոնից իրե՞ն էլ է փայ հասնելու ու դրա՞ համար է ոգևորված վազել Հ1–ի եթեր։ «Հերձումը» ցույց կտա։

ՔՊ-ական պատգամավորին վիրավորած երիտասարդին դաժան ծեծի են ենթարկել. փաստաբան

Ալեն Սիմոնյանի թքելու թեման՝ միջազգային զեկույցում

Էլ ի՞նչ է ուզում անել ՔՊ-ն․ «Կարճ ասած» (տեսանյութ)

● Մեկնաբանություն