Շվեդ հարձակվող Զլատան Իբրահիմովիչը, մինչ Միլան վերադառնալը, Ստոկհոլմում որոշել էր վայելել իր Ferrari Monza SP2 շքեղ մեքենան: Այս մասին տեղեկացնում է The Sun-ը:

Այս մեքենաները սահմանափակ քանակի արտադրման են՝ 500 միավոր, որոնց վաճառքը կազմակերպվում է ոչ պաշտոնապես: Դրանց մոտավոր գինը 1,6 միլիոն եվրո է: Այս մեքենան Զլատանն ինքն իրեն նվիրեց անցյալ տարի աշնանը՝ իր ծննդյան օրվա առիթով: Բայց խնդիրն այն է, որ Իբրան այս մեքենան քշել է օրինախախտ ճանապարհով:

Պարզվում է՝ մարտի 30-ին ավարտվել է ֆուտբոլիստի վարորդական իրավունքի վավերականության ժամկետը: Այս օրինախախտման համար Իբրահիմովիչին 1.200-ից մինչ 2.000 շվեդական կրոնի տուգանք է սպասում (113 – 190 եվրո):

Աղբյուրը՝ proffootball.am