Լրահոս

08.12.2019 08:43


Հրդեհ Երևանի Վարդգես Սուրենյանց փողոցի տներից մեկում. փրկարարները դուրս են բերել երեխաներին

Հրդեհ Երևանի Վարդգես Սուրենյանց փողոցի տներից մեկում. փրկարարները դուրս են բերել երեխաներին

Դեկտեմբերի 7-ին, ժամը 17:08-ին «911» ծառայություն ահազանգ է ստացվել, որ Երևանի Վարդգես Սուրենյանց փողոցի տներից մեկում հրդեհ է բռնկվել (ներսում երեխաներ կան):

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման խումբը, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը և Աղետների բժշկության կենտրոնի հերթապահ բժիշկը, ով անհրաժեշտությունը վերանալու պատճառով վերադարձել է:

Պարզվել է, որ տան նախասրահում 10 կգ-անոց գազի բալոնից տեղի է ունեցել արտահոսք՝ հրդեհի բռնկմամբ:

Հրդեհը մարվել է քաղաքացիների ուժերով: Այրվել է բալոնից արտահոսած գազը, ջերմահարվել է նախասրահի մուտքի դուռը՝ մասամբ:

Ներսում են գտնվել Արմեն (ծնված 1949 թ.), Թեհմինա (ծնված 2007 թ.), Անահիտ (ծնված 2017 թ.) Ա.-երը և Լիլիթ Գ.-ն (ծնված 1949 թ.). վերջինս ծխահարվել է: Շտապօգնության աշխատակիցները տուժածին տեղում ցուցաբերել են համապատասխան բուժօգնություն:

Փրկարարները տանից դուրս են բերել Թեհմինա և Անահիտ Ա.-երին:

Այս խորագրի վերջին նյութերը