Մեկնաբանություն

14.08.2019 14:18


Սկանդալային գրառումներ. «Աննայի հիմնադրամին 100–200 հազար փոխանցի... նա դա կգնահատեր և PR կլիներ քո համար»

Սկանդալային գրառումներ. «Աննայի հիմնադրամին 100–200 հազար փոխանցի... նա դա կգնահատեր և PR կլիներ քո համար»

Համացանցում է հայտնվել ոմն Նարինե Դավթյանի և Մոսկվայի ԴԻԱԼՈԳ կազմակերպության նախագահ Յուրի Նավոյանի նամակագրությունը։ Այս մասին ВКонтакте սոցցանցի իր էջում գրել է օգտատեր Վլադ Տուլեևը՝ կից հրապարակելով այդ նամակագրության պատճենները։

Untitled (1)

Զրույցի ընթացքում Նարինե Դավթյանը Յուրի Նավոյանին հորդորում է իրեն դրսևորել որպես միանձնյա առաջնորդ` ցույց տալու, որ Ռուսաստանի հայերի միության նախագահ Արա Աբրահամյանը և Ռուսաստանում ՀՀ դեսպանը ոչինչ չեն որոշում, և ամեն ինչ պետք է արվի Նավոյանի միջոցով։

zN_kfUELmmw

Յուրի Նավոյանն էլ բողոքում է, որ դժվար է դա անելը, առավել ևս, որ Երևանում իրեն ոմանք չեն սատարում, նույնիսկ ընդդեմ Զատուլինի ակումբի իր ակցիան Փաշինյանի շրջապատի աջակցությանը չի արժանացել։

«Իսկ ես արել էի այնպես, ինչպես խնդրել էին, որպեսզի արտահոսք անեի Քոչարյանի և ակումբի կապերի մասին։ Բայց Երևանում չնկատեցին և գցեցին ինձ։ Դա էլ քիչ էր, այդ ամենից հետո Մոսկվա եկավ Վովան և հանդիպեց Զատուլինի, այլ ոչ թե ինձ հետ»,-դժգոհում է Նավոյանը։

2

Ի պատասխան Նարինե Դավթյանը նախատում է, որ բավակա՛ն է նվնվալ, փոխարենը պետք է շատ ելույթներ ունենալ, հոդվածներ գրել, քննադատել ղարաբայան հին վարչակազմը, Ռուսաստանի հետ ներկայիս հարաբերությունները։

3

Յուրի Նավոյանն էլ ընդգծում է, որ ինքը վաղուց այդ ամենն անում է, և որ ՌՀՄ-ում և դեսպանատանն իր կողմնակիցներն ունի․

«Հարցն այն է, թե որքան երկար ժամանակ պետք է լռեն Երևանում։ Շատ կօգներ, եթե ինձ ընդուներ Փաշինյանը»։

4

«Դե դու էլ մի քնի։ Քանի՞ անգամ եմ խնդրել՝ օգնել գումար հայթայթել Աննայի ֆոնդի համար։ Դա շատ կօգներ, նա դա կգնահատեր և PR կլիներ քո համար,-ընդգծում է Նարինե Դավթյանը՝ թերևս նկատի ունենալով ՀՀ վարչապետ Նիկոլ Փաշինյանի տիկնոջ՝ Աննա Հակոբյանի հիմնադրամը,-դու որևէ մի հովանավոր գտի, գոնե 100-200 հազարի, այդ ժամանակ մենք իրար հետ կգնանք նրա մոտ»։

5

«Դժվար է այստեղ միաժամանակ սատարել Փաշինյանին, հանդես գալ Քոչարյանի, Աբրահամյանի դեմ, թիրախավորել դեսպանին ու մի բան էլ փող հավաքել։ Որոշ հաջողություններ կան,-նշում է Նավոյանը,-կարևորը, որ Մոսկվա այցելող յուրաքանչյուր ղեկավար պետք է գլխավոր գործընկեր տեսնի մեզ և դա ցույց տա բոլորին, այդ ժամանակ մենք ուժեղ կդառնանք և կլինի՝ ինչ ցույց տալ կանտոռային։ Այդ ժամանակ բոլոր այդ Աբրահամյանները, Ավագումյանները, Կարապետյանները և Զատուլինները կանհետանան»։

6

Այս երկուսի զրույցն ավարտվում է նրանով, որ Նարինե Դավթյանը Յուրի Նավոյանին հորդորում է Քոչարյանի մասին իր գնահատականներում լինել ավելի՛ կտրուկ և փող գտնել ֆոնդի համար։

***

Ի դեպ, նամակագրության հրապարակումից որոշ ժամանակ անց Նարինե Դավթյանն իր ֆեյսբուքյան էջում հերքել է, որ Յուրի Նավոյանի զրուցակիցն ի՛նքն է եղել։

7777777777777

7or.am

Այս խորագրի վերջին նյութերը