-Ռոբերտ Քոչարյանի Իրան կատարած այցը մասնավոր է։ Եթե նույնիսկ Ռոբերտ Քոչարյանը զբաղվեր արտաքին քաղաքականությամբ, այսինքն՝ Իրանում լիազորված լիներ որևէ խնդիր լուծելու, դրա մեջ վատ բան չեմ տեսնում,-այսօր լրագրողների հետ հանդիպման ժամանակ անդրադառնալով ՀՀ նախկին նախագահ Ռոբերտ Քոչարյանի Իրան կատարած այցին՝ ասել է ՀՀԿ փոխնախագահ Ռազմիկ Զոհրաբյանը։

-Բոլոր ժողովրդավարական երկրներում էքս նախագահները, նախարարները, պետքարտուղարները, լիազորված լինելով իշխանությունների կողմից, երկար ժամանակ զբաղվում են արտաքին քաղաքականությամբ։ Իրենց գիտելիքները, փորձը, կապերն օգտագործում են ի նպաստ իրենց պետության։ Եթե Ռոբերտ Քոչարյանը հետագայում էլ զբաղվի, ես չեմ զարմանա. դա նորմալ երևույթ է։ Չէի ասի, թե Ռ. Քոչարյանը լիազորված Իրան էր գնացել՝ տարածաշրջանային խնդիրներ լուծելու,-հավելել է Ռազմիկ Զոհրաբյանը։

7or.am