Իսրայելի Էյլաթ քաղաքում ընթացող ծանրամարտի Եվրոպայի մինչև 20 տարեկանների առաջնությունում Դավիթ Հովհաննիսյանը դարձավ ոսկե մեդալակիր:

Հովհաննիսյանը պոկում վարժությունում բարձրացրեց 149 կգ, իսկ հրումում՝ 177 կգ և երկամարտի 326 կգ արդյունքով դարձավ Եվրոպայի չեմպիոն:

Նշենք, որ ծանրամարտի Եվրոպայի մինչև 20 և 23 տարեկանների առաջնություններում Հայաստանը ներկայացնում է 13 մարզիկ:

Մինչև 20 տարեկանների առաջնությունում կմրցեն 62 կգ Դավիթ Գասպարյանը, 77 կգ Դավիթ Հովհաննիսյանը, 85 կգ Հակոբ Մկրտչյանը, 94 կգ Սամվել Գասպարյանը, 105+ կգ Սիմոն Մարտիրոսյանը:

Աղջիկների պայքարում իրենց ուժերն են չափում 75 կգ քաշային Սոնա Պողոսյանը և 75+ Արփինե Դալալյանը:

23 տարեկանների պայքարում կմրցեն 56 կգ Սմբատ Մարգարյանը, 62 կգ Գևորգ Բաղդասարյանը, 77 կգ Ռազմիկ Օսեթյանը, 94 կգ Կարուշ Ղուկասյանը և 105 կգ Մկրտիչ Մկրտչյանը:

7or.am