Դաղստանում աշխատանքից ազատելու են բժշկական համալսարանի դասախոսին, ով հանվել էր ուսանողների առաջ։ Այս մասին փոխանցում է «360 Подмосковье»–ն։ ՌԴ կրթության և գիտության նախարարության տարածաշրջանային ներկայացուցչի խոսքով՝ համապատասխան հրամանն արդեն պատրաստված է։

Ինչպես պատմել են համալսարանում, նախկինում դասախոսի մոտ որևէ շեղում չի նկատվել։ Նա աշխատել է հաստատությունում 2006թ.–ից։ Մեկ տարի առաջ սկսել է իրականացնել հյուսվածքաբանության ամբիոնի դոցենտի պարտականությունները։ Մոտ ժամակներս տղամարդը ենթարկվելու է հոգեբանական փորձաքննության։

Համացանցում հայտնվել է տեղի ունեցածի տեսանյութը։ Տղամարդը սկսել է հանվել անմիջապես դասախոսության ընթացքում, իսկ ուսանողները սկսել են լքել լսարանը։ Սակայն էթիկական նկատառումներից ելնելով՝ տեսանյութը ջնջվել է։

Ավելի ուշ լրագրողներին հայտնի է դարձել, որ այդ դասախոսը տառապում է գլխուղեղի քաղցկեղով։ Համաձայն որոշ տվյալների՝ նրա մոտ զարգանում է շիզոֆրենիայի նախնական փուլը։ Այս մասին հայտնում է РЕН ТВ–ն։

Այդ պահին դասախոսը, հավանաբար, անգամ չի հասկացել, թե ինչ է արել, իսկ երբ գիտակցել է, խուճապի է մատնվել։

7or.am