ԱՄՆ-ի պաշտպանության նախարար Էշթոն Քարթերը հոկտեմբերի 21-ին մեկնելու է Թուրքիա: Այս մասին հայտնում է «ermenihaber.am»–ը՝ «Haberturk»–ին հղումով։

Նշվում է, որ այցի ընթացքում Քարթերը հանդիպելու է թուրք պաշտոնյաների հետ, որի ժամանակ քննարկվելու են տարածաշրջանային անվտանգության մի շարք հարցեր, այդ թվում՝ Սիրիայում և Իրաքում ստեղծված իրավիճակը, «Իսլամական պետություն» ահաբեկչական կազմակերպության դեմ պայքարի մանրամասները:

Նույն հարցերի վերաբերյալ քննարկումներ անցկացնելու նպատակով Քարթերը հոկտեմբերի 26-ին Թուրքիայից մեկնելու է Արաբական Միացյալ Էմիրություններ և Ֆրանսիա։

7or.am