Բելառուսի նախագահ Ալեքսանդր Լուկաշենկոն հայտարարել է ԵՄ-ի հետ հարաբերությունների բարելավման և ընդլայնման անհրաժեշտության մասին՝ հաշվի առնելով երկրի ազգային շահերը:

«БелТА»-ի փոխանցմամբ՝ խոսքը Բելառուսի պետական ինքնիշխանության, անկախության, անվտանգության և կայունության ամրապնդման մասին է:

Լուկաշենկոն ընդգծել է ԵՄ-ի հետ հարաբերությունների դրական դինամիկան՝ միաժամանակ հայտարարելով «Ռուսաստան կամ Արևմուտք» ընտրության անընդունելիության մասին:

Նախագահի կարծիքով Եվրամիությանն անհրաժեշտ է հենց այն Բելառուսը, որը վերջին տարիներին վարել է բազմավեկտոր քաղաքականություն:

«Սակայն ռուսները մեր եղբայրներն են՝ դուր է գալիս դա ուրիշներին, թե ոչ, և մեր հարաբերությունները պետք է համապատասխան լինեն», - եզրակացրել է Լուկաշենկոն:

7or.am