«Գործատուն իր աշխատողին աշխատանքից կարող է հեռացնել՝ նրան տալով 30-օրյա ժամկետ, իսկ աշխատողը աշխատանքից դուրս գալուց 30 օր առաջ պետք է այդ մասին տեղեկացնի գործատուին»,–այսօրվա ասուլիսին, խոսելով Աշխատանքային օրենսգրքի բացերի մասին, ասել է Աշխատանքի իրավունքի պաշտպանի հաշտարարի գրասենյակի նախագահ Արթուր Սարգսյանը։

ՀԱՊԿ գլխավոր քարտուղարի տեղակալ. «Հայաստանում համատեղ ռազմական ձեռնարկություններն ստեղծվելու են տեղական ռազմարդյունաբերական ձեռնարկությունների հենքի վրա կամ կկառուցվեն նոր գործարաններ: Նախատեսվում է նաև համապատասխան իրավափաստաթղթային բազա ստեղծել` ստորագրվելու են համագործակցության պայմանագրեր հայկական և ռուսական ռազմաարդյունաբերական գործարանների միջև»։

Այսօր «Սիվիլիթաս» հիմնադրամի կազմակերպած քննարկման ժամանակ ՀՅԴ–ից Արա Նռանյանն ասել է, որ Հայաստանը չունի տնտեսություն, հետևաբար պետք է այն ստեղծել, հետո նոր խոսել տնտեսությունը զարգացնելու մասին:

2011թ. ընթացքում ՊԵԿ-ի կողմից հայտնաբերվել է մաքսանենգության և մաքսային կանոնների խախտման 282 դեպք` շուրջ 7,5 մլրդ դրամի չափով, որից մոտ 7մլրդ-ի մասով կազմված նյութերը մաքսանենգության հատկանիշներով ուղարկվել են նախաքննության մարմիններ:

«Հայաստանի կանաչների միության» նախագահ. «Կառավարությունը, Ազգային ժողովն ընդունում են այնպիսի օրենքներ, որոնք բխում են միայն մի քանի ընտանքիների շահերից, իսկ պետությանը հասցնում միլիարդավոր դրամների վնաս։ Նման պայմաններում Հայաստանում չի զարգանա նաև տուրիզմը»։

Արմեն Պողոսյանը հայտնել է, որ չնայած ունեցել ենք 4,5 տոկոս տնտեսական աճ անցած տարի, և գնաճի ընդհանուր ցուցանիշը կազմել է 5–6 տոկոս, սննդամթերքի շուկայում գնաճը եղել է 14 տոկոս, իսկ որոշ ապրանքների դեպքում՝ մինչև 20 տոկոս։ «Սպառողների ասոցիացիայի» նախագահը նշել է, որ Կառավարությունը թերանում է իր աշխատանքում, և գների զսպմանն ուղղված քայլերը կարկատանային բնույթ են կրում։

«2012 թվականի մարտի 30–ին կայացած նիստում ամփոփելով վարույթի արդյունքները` հանձնաժողովը հայտարարել էր «ՄԳԱ Վոթըր» ընկերության «անբարեխիղճ» մրցակցության, վերջինիս նկատմամբ առավելագույն պատժամիջոց սահմանելու, ինչպես նաև հնգօրյա ժամկետում խախտումը վերացնելու վերաբերյալ հանձնարարականի մասին»:

Այսօր լրագորղների հետ հանդիպման ժամանակ Մարդու իրավունքների պաշտպան Կարեն Անդրեասյանն ընդգծել է, որ Տնտեսական մրցակցության պետական հանձնաժողովի կողմից «Ալեքս գրիգ» ընկերությանը տուգանելուց հետո տնտեսվարողը պետք է կեղծ օղիները միանգամից հաներ շուկայից:

Վերջին շրջանում Գյումրիի ոչ պարենային շուկայում նկատվում է ապրանքների գների բարձրացում, որն առևտրականները բացատրում են ԱՄՆ դոլարի՝ դրամի նկատմամբ արժեվորմամբ, այլ ոչ թե առաջարկի ավելացմամբ: Առևտրականներն արձանագրում են, որ պահանջարկը զգալիորեն նվազել է, որը հիմնականում պայմանավորված է վճարողունակ քաղաքացիների թվի նվազմամբ:

«Վեհաժողովը «շեշտում է էներգետիկ մատակարարման ուղիների դիվերսիֆիկացումն ապահովելու անհրաժեշտությունը եւ, միաժամանակ, ուշադրություն է հրավիրում այն փաստին, որ փակ սահմանների քաղաքականության պրակտիկան արհեստականորեն բարձրացնում է էներգետիկ ցանցերի արժեքը, կանխում եւ խոչընդոտում է արդյունավետ համագործակցությունը էներգամատակարարման աղբյուրների եւ ուղիների դիվերսիֆիկացման գործում»։

Աշոցք» ՍՊԸ-ի կողմից 2011թ-ի դեկտեմբերի 28-ին ներմուծվել է ձվի խմբաքանակ, որը իրացվել է սույն թվականի հունվար և փետրվար ամիսներին: Ընկերությունը վերջին 25 արկղ խմբաքանակը շուկա է բաց թողել փետրվար ամսին: Գյուղատնտեսության նախարարության սննդամթերքի անվտանգության պետական ծառայության կողմից պարզվել է, որ ոչ ամբողջ խմբաքանակն է սպառվել և իրացման ցանցում հայտնվել են արդեն ժամկետանց ձվեր:

Բնապահպանության նախարարության կողմից 26.03.-30.03.2012թթ. ընկած ժամանակահատվածում իրականացված ստուգումների և շրջայցերի ընթացքում հայտնաբերված խախտումների, ինչպես նաև տարածքային բաժինների վարույթին հանձնված գործերի քննության արդյունքում ԲՊՏ կողմից կայացվել է 0.93 մլն դր. ընդհանուր գումարով վարչական տուգանքի 12 որոշում և հաշվարկվել է 1.42 մլն դր. ընդհանուր գումարի շրջակա միջավայրին հասցված վնաս:

Մարտի 29-ին ՀՀ ԳՆ սննդամթերքի անվտանգության պետական ծառայությունը հաղորդագրություն էր տարածել, որով տեղեկացնում էր, որ շուկայում հայտնաբերվել է չմակնշված ձու: Պարզվել է, որ չմակնշված ձուն եղել է ժամկետն անցած և Հայաստանի Հանրապետություն է ներմուծվել «Աշոցք» ՍՊԸ-ի կողմից:

Այսօրվա ասուլիսին ՀՀ դեղարտադրողների ու ներմուծողների (ԴԱՆ) միության տնօրեն Սամվել Զաքարյանն ընդգծել է, որ 2011 թ. մայիսին կառավարությունը փոխեց դեղերի ներմուծման և արտահանման կարգը, ինչն էլ նպաստում է կեղծ դեղերի շրջանառության աճին: Նա հայտեց, որ հանրապետության դեղատներում հայտնաբերվել են ադրբեջաներեն ներդիրով դեղեր:

ՄԻՊ. «Արձանագրվել է «Ալեքս Գրիգ» ընկերության կողմից ուկրաինական գրեթե համանուն օղիներին շփոթության աստիճան նման օղիների արտադրման և իրացման դեպք: Նշվածի կապակցությամբ Հանձնաժողովը վարույթ է սկսել 2009թ.-ին: Այնուամենայնիվ, Հանձնաժողովի կողմից երկու տարվա ընթացքում չեն ձեռնարկվել բավարար միջոցներ...»։

ՀՀ գյուղատնտեսության փոխնախարար. «Կաթ մթերող ընկերությունները մտադրություն ունեին գները 30 դրամով իջեցնել, սակայն նախարարի մոտ խորհրդակցություն է եղել և հայտարարվել, որ դա անընդունելի է, և նշվել է, որ կաթի մթերման գինը 1 լիտրի դիմաց 150 դրամից չպետք է իջնի»։

Նախաքննությամբ պարզվել է, որ Ա. Մանուկյանը 2011թ. ապրիլի սկզբներին գնել է օղու սպիրտ, դրան ավելացրել ջուր եւ ստացել շշալցման ենթակա օղի: Այնուհետեւ շշերի ընդունման կետից գնել է օղու շշերի խցաններ, ապա տաքացնելով իր կողմից հավաքված շշերի եւ գնված խցանների վրա փակցված ակցիզային դրոշմները` պոկել է դրանք եւ փակցրել իր կողմից պատրաստված եւ տնայնագործական եղանակով փակված կեղծ օղու շշերի վրա:

Սերգո Կարապետյան. «Պարենային անվտանգության հիմնախնդրի լուծմանն ուղղված միասնական, արդյունավետ և հիմնավորված քաղաքականության իրականացման անհրաժեշտությունից ելնելով` Ազգային անվտանգության խորհրդի համակարգմամբ, շահագրգիռ նախարարությունների, գերատեսչությունների մասնակցությամբ մշակվել է «Հայաստանի Հանրապետության պարենային անվտանգության հայեցակարգը»»։