2012թ. հուլիսին հունիսի համեմատ` ՀՀ սպառողական շուկայում արձանագրվել է 1.5% գնանկում: Պարենային ապրանքների (ներառյալ ոգելից խմիչք և ծխախոտ) գները նշված ժամանակահատվածում նվազել են 2.8%-ով, իսկ ոչ պարենային ապրանքների շուկայում և ծառայությունների ոլորտում գրանցվել է գների և սակագների`համապատասխանաբար 0.4% և 0.1% հավելաճ:

«Այ-Փի-Էս-Սի» քաղաքական և սոցիոլոգիական խորհրդատվությունների ինստիտուտը հետազոտություն է անցկացրել՝ փորձելով ճշտել, թե ինչպես են Հայաստանի բնակիչները գնահատում իրենց կյանքի որակը: Հարցվածների 10,3%-ն լավ է ապրում և գոհ է իր վիճակից: 3,3%-ը լավ է ապրում, սակայն, ընդհանուր առմամբ, դժգոհ է: 49%-ը վատ է ապրում, սակայն համակերպվել է իր վիճակի հետ, իսկ 37,4%-ը վատ է ապրում և դժգոհ է իր վիճակից։

«Վարկավորման բարձր տեմպերը կարող են լինել տնտեսական աճի ցուցանիշ կամ հիվանդության ախտանիշ»,- գրում է «Fitch»-ը: Վարկերի հավելաճի ամենաբարձր թափի վերաբերյալ գործակալության կանխատեսման մեջ 5 երկիր, այդ թվում նաև Հայաստանը, «առաջատար» է. Զամբիա (15,4%), Ադրբեջան (15,7%), Չինաստան (18%), Լեսոտո (19%), Հայաստան (21,3%)։ Դատելով Հայաստանում վարկային միջոցների օգտագործման արդյունքներից՝ մեր երկրում վարկավորման բարձր տեմպերը շատ դժվար է դիտարկել որպես տնտեսական աճի ցուցանիշ։

2012 թվականի առաջին կիսամյակում ՀՀ պետական բյուջեն կատարվել է շուրջ 4.4 մլրդ դրամ պակասուրդով` կիսամյակային ծրագրով նախատեսված 50.7 մլրդ դրամի դիմաց: Մասնավորապես` պակասուրդի ներքին ֆինանսավորումը կազմել է -29.8 մլրդ դրամ, արտաքին ֆինանսավորումը` 34.2 մլրդ դրամ: Պակասուրդի ցածր ցուցանիշը հիմնականում պայմանավորված է ծախսերի համեմատաբար ցածր կատարողականով:

«ՆԱՍԴԱՔՕԷՄԷՔՍ Արմենիա» բորսայում այսօր` օգոստոսի 3-ին, ամերիկյան դոլարի միջին փոխարժեքը կազմել է 411 դրամ` երեկվա համեմատ բարձրանալով 0.37%-ով կամ 1.5 դրամով: Ընդհանուր առմամբ` բորսայում այսօր վաճառվել է 200 հազ. դոլար: Կանխիկ արտարժույթի շուկայում դոլարը թանկացել է 1-1,5 դրամով: Փոխանակման կետերը դոլար ընդունում են 410 դրամով, վաճառում` 412-413 դրամով:

Ֆերմեր. «Հայաստանի գյուղատնտեսությունն այսօր շատ վատ վիճակում է։ Կառավարությունը, գյուղնախարարությունը պետք է օգնի գյուղացուն՝ այս վիճակից դուրս գալու համար։ Ցեցերից յուրաքանչյուրն ամեն չորս օրը մեկ մոտ չորս հազար ձու է դնում։»։

«Գյուղերն ամեն օր դատարկվում են, գյուղացին աղքատ է, և ամեն ինչ գնում է անապատացման, ու կա հետընթաց: Այստեղ ոչ մի լավ բան չկա։ Եթե մենք ապրեինք նորմալ երկրում, ապա բոլոր գյուղնախարարները պետք է պատասխանատվության ենթարկվեին, սակայն նրանք գալիս, պաշտոնավարում են ու անցնում այլ պաշտոնների:»։

Այնթապ գյուղի տարածքում բեռնատարի փականն առանց մաքսային ապահովման միջոցները վնասելու բացվել է և եղած բեռը, մասնավորապես` զուգագուլպաներ և ռետինե արտադրանք, փոխարինվել է նույն քաշի այլ ապրանքով: Նման մեկ այլ դեպք էլ բացահայտվել է Բավրայի մաքսակետում, երբ Վրաստանի քաղաքացի Մոռալիշվիլին փորձել է հայտարարագրված մոտ 5 տոննա գազարի անվան տակ Հայաստանից Վրաստան արտահանել մոտ 10 տոննա խաղող` պատճառաբանելով, որ Վրաստանում արգելված է խաղողի ներկրումը:

«Ռուսաստանից ներկրված էլիտար սերմացուն գյուղացիական տնտեսություններին վնաս հասցրեց, քանի որ մի շարք ցանքատարածություններում ցողունները մնացին գաճաճ՝ 17 -20 սմ և կոմբայնները չկարողացան հավաքել բերքը: Այժմ գյուղացիները պետք է վճարեն օգուտ չստացած սերմացուի դիմաց»:

ՀՀ Կառավարությանն առընթեր Պետեկամուտների կոմիտեն հրապարակել է 1000 խոշոր հարկատուների ցանկը: Ընդհանուր առմամբ՝ 1000 խոշոր հարկատուները միասին վերցրած՝ վճարել են 261,9 մլրդ դրամ, ինչը 29,3 լրդ դրամով կամ 12,6%-ով ավելին է, քան 2011թ. նույն ժամանակահատվածում 1000 խոշոր հարկատուների վճարածը:

ՀՀ ֆինանսների նախարարության ,,Թանկարժեք մետաղների և թանկարժեք քարերի պետական գանձարան’’ գործակալության կողմից 30.07.2012-05.08.2012թթ-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` արտահայտված ՀՀ դրամով`

ՊԵԿ օպերատիվ հետախուզության վարչության հատուկ միջոցառումների բաժնի աշխատակիցներն օրերս հարկային դաշտից դուրս գործող հանրային սննդի և զվարճանքի օբյեկտ, ատամնաբուժարան ու չդրոշմավորված օղու վաճառքի դեպքեր են բացահայտել:

Հուլիսի 15-ից հուլիսի 22-ն ընկած ժամանակահատվածում բանկերի կողմից դրամով տրամադրված վարկերի ծավալը կազմել է 30.0 մլրդ դրամ, իսկ ԱՄՆ դոլարով տրամադրված վարկերի ծավալը՝ 36.2 մլն ԱՄՆ դոլար: «ՆԱՍԴԱՔՕԷՄԵՔՍ ԱՐՄԵՆԻԱ» ԲԲԸ–ում նշված ժամանակահատվածում իրականացվել է 18 300 000 ԱՄՆ դոլարի առք և վաճառք՝ 408,21 դրամ մեկ ԱՄՆ դոլարի դիմաց միջին փոխարժեքով:

Լրացում է կատարվել ՀՀ ֆինանսների և էկոնոմիկայի նախարարի հրամանում, համաձայն որի ծաղիկներ և ծաղկեպսակներ առարկան ներառվել է պարբերական մրցույթներով ձեռքբերվող ապրանքների, աշխատանքների և ծառայությունների ցանկում: Հրամանն ուժի մեջ է մտնում ՀՀ գերատեսչական նորմատիվ ակտերի տեղեկագրում հրապարակվելու օրվան հաջորդող 10-րդ օրը:

Այսօր «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում կայացել է 4,850,000 ԱՄՆ դոլարի առք եւ վաճառք` 408.98 դրամ մեկ ԱՄՆ դոլարի դիմաց միջին կշռված փոխարժեքով: Փակման գինը կազմել է 408.75 դրամ:

ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կողմից 23.07.2012-29.07.2012թթ-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` արտահայտված ՀՀ դրամով

Հայաստանի սպառողների ազգային ասոցիացիայի նախագահ Մելիտա Հակոբյանը նշել է, որ այսօր սոցիալ-տնտեսական պայմանները ավելի են ծանրացել, քան մի քանի տարի առաջ էր։ Բանախոսն ընդգծել է, որ չհանգստանալու պատճառով փոխվում է նույնիսկ մարդկանց վարքագիծը. տասնհինգ տարի առաջ մարդիկ ավելի նորմալ վիճակում էին, իսկ այսօր՝ ոչ, որովհետև մարդը լիարժեք չի աշխատում, նորմալ աշխատավարձ չի ստանում և համապատասխան կերպով չի հանգստանում:

Ըստ «ՀայՌուսգազարդ» ընկերության տրամադրած տվյալների` նախորդ տարվա համեմատ 13,39%-ով ավելացել են բնակչության կողմից բնական գազի սպառման ծավալները՝ կազմելով 334.195 մլն խ.մ: 19,5%-ով ավելացել են ԱԳԼՃԿ-ների կողմից իրացված բնական գազի ծավալները՝ կազմելով շուրջ 187 մլն խ.մ: Ավելացել են գազի սպառման ծավալները 43%-ով էներգետիկայի և 12,85%-ով՝ արդյունաբերության ոլորտների կողմից՝ կազմելով համապատասխանաբար 100.279 և 119.222 մլն խ.մ: