ԵԱՀԿ Մինսկի խմբի ամերիկացի նոր համանախագահ կլինի դեսպան Յան Քելին։ Նախկին համանախագահ Ռոբերտ Բրադտկեի առաքելության ավարտից հետո նա այս պաշտոնում նշանակվել է ժամանակավորապես, մինչև ԱՄՆ-ը նոր մշտական համանախագահ կնշանակի: Բրադկեն պաշտոնավարել է մոտ երեք տարի, և նրա առաքելությունն ավարտվել է նախորդ շաբաթ։

ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով:

ՌԴ նախագահի այցի շրջանակներում նախատեսվում են հանդիպումներ Հնդկաստանի նախագահ Պրանաբ Մուկերջիի, վարչապետ Մանմոհան Սինգհի հետ:

Վրաստանը ոչինչ չունի անելու նախկին ԽՍՀՄ–ում և հետդարձի ճանապարհ չկա։ Այդ մասին նախօրեին կայացած Վրաստանի Միացյալ ազգային շարժման(ՄԱՇ) ընդլայնված համաժողովում հայտարարել է նախագահ Միխայիլ Սահակաշվիլին։ Նա նշել է, թե նոր իշխանությունը 2 ամսվա ընթացքում ավելի շատ սխալ է թույլ տվել, քան ՄԱՇ–ը 8 տարում։ Վրաստանի նախագահն ընդգծել է, որ չնայած իշխանությունն այսօր իրենց ձեքում չէ, սակայն «բարոյական մեծամասնությունը» իր կուսակցությունն է, որը համառորեն ճշմարտությունն է ասում։

Դեկտեմբերի 24-ի օրվա երկրորդ կեսին, 25-ին, շրջանների զգալի մասում սպասվում են տեղումներ: 24-ի գիշերը և 26-ին սպասվում է առանց տեղումների եղանակ: Քամին` հարավ-արևմտյան 5-10 մ/վրկ, 25-ին առանձին վայրերում սպասվում է քամու ուժգնացում 10-15 մ/վրկ, լեռնային շրջաններում և լեռնանցքներում կդիտվի բուք, ճանապարհներին` մերկասառույց, առանձին հատվածներում` մառախուղ:

ՀՀ պաշտպանության նախարարությունը խոր ցավով հայտնում է, որ այսօր առավոտյան զորահավաքակայանից զորամաս տեղափոխվելու ճանապարհին վատացել է և հոսպիտալում հանկարծամահ է եղել նորակոչիկ Նորայր Նվերի Սահակյանը՝ ծնված 1994թ.:

Հայաստանի Հանրապետության արդարադատության նախարարի հրամանով, ծառայողական պարտականություններն անհարգելի պատճառով չկատարելու համար ՀՀ ԱՆ «Գորիս» քրեակատարողական հիմնարկի անվտանգության ապահովման բաժնի երկրորդ կարգի մասնագետ Վիգեն Վաչագանի Ադունցի նկատմամբ կիրառվել է ծառայությունից ազատում կարգապահական տույժը. 2012 թվականի դեկտեմբերի 19-ից նա ազատվել է քրեակատարողական ծառայությունից։

Սիրիայի կառավարական զորքերի օդուժը մի քանի հարված է հասցրել զինված ընդդիմության դիրքերի ուղղությամբ, ինչի հետևանքով տասնյակ մարդիկ սպանվել ու վիրավորվել են։ Մասնավորապես, օդային հարվածների են ենթարկվել Հալեպի և Դամասկոսի արվարձանները։

ՀՀ ԱԻ նախարարությունը տեղեկացնում է, որ դեկտեմբերի 24-ին, ժամը 09.00-ի դրությամբ բոլոր ավտոճանապարհները հիմնականում անցանելի են:

ՄԱԿ - ի միջազգային անկախ հետաքննող հանձնաժողովի վերջին զեկույցը Սիրիայում հակամարտության հետ կապված, որտեղ տեղ են գտել հայությանը վերաբերվող մի քանի կետեր եւ այդ առումով Արեւմտեան Հայաստանի Ազգային Խորհուրդը անհրաժեշտ է գտնում տալ իր պարզաբանւմները զեկույցում տեղ գտած մի քանի դրույթների վերաբերյալ:

ՀՀ ԱԻՆ «ՍՊԾ» գործակալությունը տեղեկացնում է, որ տեղական ժամանակով ժամը 17.32-ին ՍՊԾ -ի սեյսմոլոգիական ցանցի կողմից գրանցվել է 5.4 մագնիտուդով երկրաշարժ, որի էպիկենտրոնը գտնվում է Սև Ծովում` Փոթի քաղաքից 63 կմ հյուսիս-արևմուտք: Երկրաշարժի ուժգնությունը էպիկենտրոնային գոտում կազմել է 7 բալ։

Ընթացիկ տարվա սկզբին, միջազգային հանրության և քաղաքացիական հասարակության աճող ճնշման ներքո, 2012 թվականի խորհդարանական ընտրություններին ընդառաջ Հայաստանի կառավարությունը քայլեր ձեռնարկեց ընտրակեղծիքները և աղավաղումները նվազեցնելու նպատակով: ԱՄՆ-ում գործող Policy Forum Armenia (PFA) միջազգային հետազոտական կազմակերպության հատուկ զեկույցի` իրական ընտրական բարեփոխումները Հայաստանում կրկին խափանվեցին...

Եգիպտոսի փոխնախագահ Մահմուտ Մեքքին հրաժարականի դիմում է ներկայացրել: Նախագահի մերձավոր շրջապատի աղբյուրներին վկայակոչելով` հաղորդում է Reuters գործակալությունը:<br>Նշենք, որ շաբաթ օրը Եգիպտոսում ընթանում է նոր սահմանադրության ծրագրի վերաբերյալ երկրորդ և վերջնական հանրաքվեն: Ընտրական տեղամասերից մեկում կռիվ է տեղի ունեցել, ինչի արդյունքում մարդ է մահացել:

Հայոց Համազգային Շարժում կուսակցության դեկտեմբերի 22-ին կայացած 17-րդ համագումարում ընտրվել է 31 հոգուց կազմված նոր վարչություն: ՀՀՇ վարչության կազմում ընտրվել են հետեւյալ անձիք.

Այսօր «Արմենիա-Մարիոթ» հյուրանոցի Տիգրան Մեծ սրահում հրավիրված Քաղաքացիական ժողովում հայտարարվեց «Ժառանգություն» կուսակցության նախագահ Րաֆֆի Կ. Հովհաննիսյանի՝ 2013-ի ՀՀ նախագահի ընտրությանը ինքնաառաջադրմամբ մասնակցելու մասին:

Դեկտեմբերի 21-ին, ժամը 21.40-ի սահմաններում, ԼՂՀ Քաշաթաղի շրջանի «Գրհամ» կոչվող տարածքում «Բելառուս» մակնիշի տրակտորը վթարի է ենթարկվել, ինչի հետևանքով տրակտորում գտնվող 1987 թ. ծնված Լևոն Ղռատյանը ստացած վնասվածքներից հիվանդանոց տեղափոխվելու ճանապարհին մահացել է:

Այսօր՝ «Օրինաց երկիր» կուսակցության 11-րդ համագումարում ՕԵԿ փոխնախագահ Հեղինե Բիշարյանը հայտարարել է, որ իրենք առաջիկա նախագահական ընտրություններում սատարելու են ՀՀԿ–ական Սերժ Սարգսյանի թեկնածությունը, և այդպիսով պատասխանատվություն են ստանձնում համագործակցել երկրի հետագա կայուն զարգացման, պետության առջև ծառացած արտաքին և ներքին մարտահրավերներին ըստ արժանվույն դիմակայելու ործում։

ՊԲ օպերատիվ տվյալների համաձայն, դեկտեմբերի 16-ից22-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 200 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 1300 կրակոց: