ՀՀ կառավարությունը հավանություն է տվել` - «Մշակութային ինքնարտահայտման ձևերի բազմազանության պաշտպանության և խրախուսման մասին» ՅՈՒՆԵՍԿՕ-ի կոնվենցիայի ՀՀ քառամյա պարբերական զեկույցին,
- Հայաստանի Հանրապետությունում հաշմանդամային սպորտի զարգացման 2013-2017 թթ. ծրագրին և ծրագրի իրականացման միջոցառումների ցանկին...

Հայաստանի ազգային մրցունակության հիմնադրամը (ՀԱՄՀ), ԱՄՆ ՄԶԳ Ձեռնարկությունների զարգացման և շուկայի մրցունակության ծրագիրը («Ի-Դի-Էմ-Սի»), ՀՀ էկոնոմիկայի նախարարությունը և Ճամփորդության և զբոսաշրջության հարցերով զբաղվող իրավաբանների միջազգային ֆորումը («ԻՖՏԱ») ապրիլի 19-20-ին Երևանի «Մարիոթ Արմենիա» հյուրանոցում կանցկացնեն «Ներդաշնակեցում և ճամփորդության ու զբոսաշրջության վերաբերյալ եվրոպական օրենսդրության առանցքային հայեցակետեր. Դասեր Հայաստանի համար» խորագրով միջազգային համաժողով:

ՀՀ կառավարությունը համաձայնություն է տվել Հայաստանի Հանրապետության և Բելառուսի Հանրապետության կառավարությունների միջև ատոմային էներգիայի խաղաղ օգտագործման նպատակով համագործակցության համաձայնագրի կնքման առաջարկությանը։

Ապրիլի 17-ին, ժամը 14.00-ին, ոստիկանության ծառայողները Երևանի Արին Բերդի 3-րդ փակուղու թիվ 9 շենքի մոտից բերման են ենթարկել 1969 թ. ծնված Դերենիկ Մ.-ն, որը ապրիլի 17-ից հետախուզվում էր ՀՀ քրեական օրենսգրքի 173 հոդվածի մեղադրանքով (Ծնողի կողմից երեխային պահելուց չարամտորեն խուսափելը):

ՀՀ կրթության և գիտության նախարարի պաշտոնակատար Արմեն Աշոտյանը հրաման է ստորագրել ` "2013 թվականի` դրսեկության ձևով (էքստեռն) ավարտական քննությունների անցկացման աշխատակարգը և ժամանակացույցը հաստատելու մասին":

Ապրիլի 20-ին նշանակված «Իմպուլս»-«Փյունիկ» հանդիպումը կկայանա Իջևանի «Արնար» մարզադաշտում: Ապրիլի 21-ին նշանակված «Ուլիս»-«Շիրակ» հանդիպումը կկայանա ՀՖՖ տեխնիկական կենտրոն Ֆուտբոլի Ակադեմիայում:

ՀՀ ԳՆ սննդամթերքի անվտանգության պետական ծառայության պետ Ա.Բախչագուլյանի հրամանով ժամանակավորապես արգելվել է Չինաստանի Ժողովրդական Հանրապետությունից Հայաստանի Հանրապետության տարածք կենդանի թռչնի, բոլոր տեսակի թռչնամթերքի, ապրանքային և ինկուբացիոն ձվի, մսոսկրային ալյուրի, կերերի, լրացակերերի, պոլիմերային և ստվարաթղթե պալարային տուփերի և միջադիրների ներմուծումը:

Ապրիլի 15-16-ը Ավստրիայի Զալցբուրգ քաղաքի համալսարանի գրադարանում կազմակերպվեց միջազգային գիտաժողով «Վանական կյանքը Հայ եկեղեցում» խորագրով, (ենթախորագիրն էր` «Փառավոր անցյալ – էկումենիկ վերանայում – ապագայի մարտահրավեր»):

Այսօր տեղի է ունեցել ՀՀ կառավարության հերթական նիստը, որը վարել է ՀՀ վարչապետի պաշտոնակատար Տիգրան Սարգսյանը։

Գեղամ Նազարյան. «Ես չգիտեմ, թե Րաֆֆի Հովհաննիսյանն անցողիկ տեղերը վաճառել է, թե նվիրել է: Այս հարցը պետք է պարզեն հենց Արմեն Մարտիրոսյանն ու իր ընկերները: Նրանք պետք է հասկանան, թե ինչու իրենց, այսպես ասած, զոհաբերեցին, եւ ոչ թե ոմանց դուր գալու համար քննադատեն ԲՀԿ-ին եւ ՀԱԿ-ին»։

Ապրիլի 18-ին, ժամը 15.14-ին սեյսմիկ ծառայությունից տեղեկություն է ստացվել, որ տեղական ժամանակով ժամը 14.39-ին Իրանի Իսլամական Հանրապետության տարածքում` Խոյ քաղաքից 45 կմ դեպի արևելք, տեղի է ունեցել 4.7 մագնիտուդով երկրաշարժ, որի ուժգնությունը էպիկենտրոնային գոտում կազմել է 6 բալ, հիպոկենտրոնը գտնվում է 15 կմ խորության վրա:

Տաթևիկ Պողպատյան. «Ինձ համար ցավալի է, որ Նարեկ Գալստյանը, ով ժամանակին պայքարում էր արդարության համար, այսօր դարձել է ռեժիմի սպասարկուն, մի քանի քոռ կոպեկ աշխատելու համար»։

Նիստի ընթացքում քննարկվել է «Բարգավաճ Հայաստան» կուսակցության դիմումը, ինչպես նաև Երևանի ավագանու ընտրություններում գրանցված 6 կուսակցությունների և կուսակցությունների դաշինքի նախընտրական հիմնադրամներ կատարված մուծումների և դրանց օգտագործման վերաբերյալ առաջին հայտարարագրերի ստուգման արդյունքում կազմված տեղեկանքը:

Գյուղացիները վստահ են, որ նրանք չեն իրական հանցագործները: Մինչ այդ, ոստիկանները թույլ չեն տվել ակցիայի մասնակիցներին փակել Երևան-Աշտարակ ճանապարհը: Ակցիայի մասնակիցների և ոստիկանների միջև քաշքշուկ է տեղի ունեցել:

Ապրիլի 2-ին Կոտայքի մարզի Պռոշյան գյուղում կատարված՝ նույն գյուղի գյուղապետ Հրաչ Մուրադյանի սպանության փաստով հարուցված, ոստիկանության քննչական գլխավոր վարչության հատկապես կարևոր գործերով քննության վարչությունում քննվող քրեական գործի նախաքննության ընթացքում Արայիկ Պետրոսյանից առգրավված՝ դեպքի օրը նրա հագին եղած հագուստի՝ սպորտային վերնազգեստի աջ և ձախ թևքերի վրա նույնպես դատաքիմիական փորձաքննությամբ հայտնաբերվել են կրակոցի արգասիքներ հանդիսացող անտիմոնի մետաղացման հետքեր:

Վերջին շրջանում մենք ականատեսն ենք Հանրապետական կուսակցության և նրա սպասարկու Տարոն Մարգարյանի ապօրինի գործունեության վերաբերյալ մամուլի բազմաթիվ բացահայտումների, որոնց առնչությամբ ո՛չ ինքը՝ Տարոն Մարգարյանը, ո՛չ պատկան մարմինները որևէ բացատրություն կամ հերքում չեն ներկայացրել:

Դեռևս ս.թ. ապրիլի 5-ին պաշտոնական հարցում էինք ուղարկել ՀՀ բնապահպանության նախարարություն, որի մեջ, ի թիվս այլ փաստաթղթերի, խնդրել էինք տրամադրել նաև «Դինո Գոլդ Մայնինգ Քամփնի» ՓԲԸ-ի ողջ գործունեության ընթացքում Բնապահպանական պետական տեսչության կողմից այդ ընկերության վերաբերյալ կազմված արձանագրությունների կրկնօրինակները, եթե դրանք առկա են:

Նա բողոքի ակցիան լուսանկարելու նպատակով Պռոշյանում էր: Ֆոտոլրագրողը բարձրացել է բակային տաղավարի վրա, որպեսզի լուսանկարի ցույցի ընթացքը, բայց հոսանքահարվել է: Շտապօգնության աշխատակիցներն օգնություն են ցուցաբերել Գագիկ Շամշյանին: