Միջոցառման ընթացքում քննարկում ծավալվեց գյումրեցիներին առավել հուզող մի շարք կարևոր և անհապաղ լուծում պահանջող խնդիրների, մասնավորապես` անօթևանության, փողոցների անմխիթար վիճակի, ինչպես նաև Գյումրու հոգեկան առողջության կենտրոնում հիվանդների բուժման համար անհրաժեշտ պայմանների բացակայության շուրջ:

Այսօր Հայաստանյայց Առաքելական Սուրբ Եկեղեցին նշում է իր մեծագույն տոներից մեկը՝ Հիսուս Քրիստոսի «հրաշափառ» հարությունը։ Այն կոչվում է նաև Զատիկ, այսինքն՝ զատում, բաժանում, հեռացում մեղքերից և վերադարձ առ Աստված:

«1in.am»-ը և «Ժամանակ» օրաթերթը հավատարիմ են վերջերս որդեգրած գործելակերպին. նրանց «հավաստի» աղբյուրներն առանց հոգնելու և մեծ ջանադրությամբ տեղեկատվություն են մատակարարում ՊԵԿ նախագահի և նրա սեփականությունների մասին: Հերթական ստահոդ «տեղեկությունը», որ երեկ տարածեց էլեկտրոնային կայքը, այսօր էլ պարտաճանաչորեն արտատպեց «Ժամանակ»-ը, հետևյալի մասին էր. Գագիկ Խաչատրյանին «տրվել է» մետրոյի «Երիտասարդական» կայարանի հարևանությամբ գտնվող գետնանցումը:

Հայտնի «Hermes» բրենդը, որն արտադրում է կոկորդիլոսի կաշվից պատրաստված նրբաճաշակ թանկ պայուսակներ, թողարկել է աշխարհի ամենաթանկ վերնաշապիկը: Այն պատրաստված է նույն կաշվից, որը օգտագործվում է պայուսակներ կարելու համար։ Սակայն, վերնաշապիկի գինը պայուսակինից մոտ 2 անգամ թանկ է և կազմում է 91,5 հազ. դոլար:

Ցուցահանդեսի ընթացքում կգործեն զեղչեր, տեղի կունենա խաղարկություն և կլինի համեղ հյուրասիրություն:

Մարտի 29-ին, ժամը 20.30-ին, ոստիկանության քրեական հետախուզության գլխավոր վարչության օպերատիվ խմբի կողմից Մոսկվա-Երևան չվերթի ինքնաթիռով ՀՀ է տեղափոխվել 1987 թ. ծնված Դավիթ Ա.-ն, որը 2009 թ. մայիսի 26-ից ոստիկանության Իջևանի բաժնի կողմից հետախուզվում էր ՀՀ քրեական օրենսգրքի 131 հոդվածի 2-րդ մասի 1-ին կետի մեղադրանքով (մարդուն առևանգելը, որը կատարվել է մի խումբ անձանց կողմից՝ նախնական համաձայնությամբ):

26 տարի առաջ` 1987թ. մարտի 30-ին, Երկրի ուղեծիր դուրս բերվեց «Գլազար» գերմանուշակագույն աստղադիտակը, որն առ այսօր մնում է հայկական վերջին տիեզերական աստղադիտարանը, իսկ մեկ տարի անց` ուղիղ 25 տարի առաջ, լույս տեսավ «Գլազարի» արդյունքներով ստացված գիտական առաջին հոդվածը:

Եղանակը կպայմանավորվի ցիկլոնի ելքով: Այս գիշեր տեղումները գրեթե ամենուրեք կդադարեն, բացառություն կկազմեն հարավային մարզերը, որտեղ տեղումները թեև կթուլանան, բայց և այս գիշեր, և մարտի 30-ին դեռ կպահպանվեն: Հարավային մարզերում ցերեկը կդիտվի նաև օդի ջերմաստիճանի զգալի նվազում 4-6 աստիճանով:

Փետրվարի 25-ին, մարտի 4-ին և մարտի 14-ին Երևան քաղաքի չորս բնակիչներից ոստիկանությունում հաղորդումներ էին ստացվել իրենց բնակարաններից գողություններ (գումար և ոսկյա զարդեր) կատարելու մասին:

Հայաստանի Հանրապետության նախագահ Սերժ Սարգսյանը, հիմք ընդունելով «Ազգային անվտանգության մարմիններում ծառայության մասին» Հայաստանի Հանրապետության օրենքի 18-րդ հոդվածի 2-րդ մասը,Արամ Հակոբյանին նշանակել է Հայաստանի Հանրապետության կառավարությանն առընթեր ազգային անվտանգության ծառայության տնօրենի տեղակալ։

Երվանդ Բոզոյանը համոզված է, որ եթե Րաֆֆի Հովհաննիսյանն ինչ-ինչ հարցերում կոմպրոմիսի գնա, ապա կդադարի լինել ընդդիմություն՝ մտնելով իշխանության մեջ:

Գործակալությունը նշում է, որ տեքստում ասվում է միայն այն մասին, որ «սադրանքների դեպքում Փհենյանը կգործի ռազմական կանոններով, որոնք կարող են վերաճել իրական չափերի և նույնիսկ միջուկային պատերազմի»:

«Փաստինֆոյի» փոխանցմամբ՝ ՀՀ Լոռու մարզի ընդհանուր իրավասության դատարանի դատավոր Մուշեղ Հարությունյանին է մակագրվել փողերի լվացման և համակարգչային տեխնիկայի օգտագործմամբ հափշտակության հատկանիշներով հարուցված և միջազգային արձագանք ստացած գործը:

ՀՀ սահմանների անվտանգության ապահովումը ՀՀ զինված ուժերի ամենակարևոր խնդիրներից է: Հայկական բանակի սպան և զինվորը վստահորեն մարտական հերթապահություն են իրականացնում շփման գծի ամբողջ երկայնքով: Հերթական անգամ իրենց լավագույնս դրսևորած մի շարք զինծառայողներ մարտի 30-ին պարգևատրվել են ՀՀ պաշտպանության նախարար Սեյրան Օհանյանի կողմից:

Այն բանից հետո, երբ Չինաստանում բողոքի մեծ ալիք է բարձրացավ, կապված «Vera Wang»-ի հարսանեկան զգեստների փորձելու համար 480 դոլար վճար սահմանելու հետ, բրենդի պաշտոնական ներկայացուցիչները հայտարարել են, որ զգեստ փորձելը կրկին կլինի անվճար։

8-25 խաղաղ բնակիչ զոհվել և վիրավորվել է Աֆղանստանի Գազնի քաղաքի մերձակայքում ՆԱՏՕ–ի օդուժի ռմբակոծությունից։ Դաշինքի օդուժի հարվածներին է ենթարկվել նաև Էսպանդա քաղաքը՝ ռմբակոծության հետևանքով 8 վիրավոր տեղափոխվել է հիվանդանոց։

Վասիլի Իվանչուկից անսպասելի պարտություն կրեց նաև սպիտակ խաղաքարերով հանդես եկող մրցաշարի առաջատար նորվեգացի Մագնուս Կարլսենը: Այժմ նա 7.5 միավորով երկրորդ տեղում է, իսկ առաջատարը Վլադիմիր Կրամնիկն է՝ 8 միավոր:

Այսօր առավոտյան, հիվանդանոցում մահացել է հայտնի դերասան Վալերի Զոլոտուխինը։ Մարտի 5-ից նա վերակենդանացման բաժանմունքում էր։ Նույն օրն էլ Զոլոտուխինը հրաժարվել էր Տագանկայի թատրոնի գեղարվեստական ղեկավարի պաշտոնից, որը զբաղեցնում էր 2011թ.–ից։ Դեարասանի մոտ հայտնաբերվել էր ուղեղի քաղցկեղ։