ԵՊՀ հայ արվեստի պատմության ՅՈՒՆԵՍԿՕ-ի ամբիոնի վարիչ. «Մենք Ձեր երկարաշունչ և մանվածապատ ելույթները երբ լսում ենք հաճախ հեռուստատեսությամբ, այն տպավորությունը չենք ստանում, որ դուք օտար լեզուներ գիտեք, Ձեր խոսքը հստակ և տրամաբանված չէ: Բացի դրանից դուք բազմաթիվ օտարաբանություններ եք գործածում, որոնց համարժեքները կան հայերենում և դա կասկած չի թողնում, որ դուք բավականաչափ գրագետ չեք տիրապետում հայերենին: Եթե Դուք հայերենին պատշաճ մակարդակով չեք տիրապետում և օտար լեզուներ չգիտեք, ինչպես կարող եք Դուք տնօրինել հայեցի կրթության հարցերը»։

Ն.Ս.Օ.Տ.Տ. Գարեգին Երկրորդ ամենայն հայոց կաթողիկոսի մամլո դիվանի պատասխանատու Տեր Վահրամ քահանա Մելիքյանը «7օր»-ին հաղորդել է, որ Ամենայն Ռուսիո պատրիարքը Կովկասի մահմեդականների հոգևոր վարչության նախագահի խնդրանքով դիմել է Գարեգին Բ կաթողիկոսին Չայլու գյուղի դիրքերի վրա հարձակված դիվերսիոն խմբի անդամ Մուբարիզ Իբրահիմովի դիակը ադրբեջանական կողմին վերադարձնելու խնդրանքով: -Նշված հարցի վերաբերյալ Գարեգին Բ-ն դիմել է ՀՀ նախագահին, և ստացված պատասխանը կներկայացնենք առաջիկայում,- ասել է տեր Վահրամ քահանա Մելիքյանը:

Ս.թ սեպտեմբերի 25-ին, ժամը 22:00-ի սահմաններում, ՀՀ ՊՆ հյուսիս-արևելյան սահմանագոտում տեղակայված թիվ N զորամասի մարտական հենակետում տեղի է ունեցել դժբախտ պատահար: Ըստ նախնական տվյալների' համածառայակցի կողմից զենքի օգտագործման կանոնները խախտելու հետևանքով մահացու հրազենային վիրավորում է ստացել նույն զորամասի ժամկետային զինծառայող, շարքային Արթուր Նորայրի Մխիթարյանը (ծնվ. 1991թ., Էջմիածնի զինկոմիսարիատ): Կատարվում է հետաքննություն: