Հունվարի 5-ի լույս 6-ի գիշերը 88-ամյա հասակում մահացել է աշխարհահռչակ խմբավար և երգահան Օհան Դուրյանը: Հայաստանի անկախացումից հետո նա վերադարձավ հայրենիք և ստանձնեց Հայաստանի ազգային Օպերայի նվագախմբի գլխավոր դիրիժորի պարտականությունները: 2002-2006թթ ղեկավարել է Մոսկվայի սիմֆոնիկ նվագախումբը: Մեծանուն երաժիշտն աշխատել է աշխարհի 110 երկրների նվագախմբերի հետ:

Այսօր' ժամը 17:30-ին, հայաստանյայց առաքելական բոլոր եկեղեցիներում մատուցվել է Ճրագալույցի տոնական Սուրբ պատարագ' ազդարարելով Սուրբ Ծննդյան ավետիսը: Մարդիկ եկեղեցում վառված մոմերը իրենց հետ տուն են տարել: Տարին 2 անգամ է մատուցվում ճրագալույցի պատարագ' Սուրբ Ծննդյան և Սուրբ Հարության տոներին: Ճրագալույց նշանակում է ճրագ (մոմ) լուցանել, այսինքն' վառել: Ճրագալույցը խորհրդանշում է բեթղեհեմյան աստղի լույսը, որն առաջնորդեց մոգերին դեպի Հիսուս Մանուկ:

Հարգելի՛ ընթերցողներ, «7 օրի» խմբագրակազմը շնորհավորում է ձեզ՝ Նոր տարվա և Սուրբ ծննդյան տոների կապակցությամբ։ Թող գալիք 2011–ը Հայաստանի Հանրապետության համար լինի դրական փոփոխությունների, ինչպես նաև խաղաղության և ՀՀ քաղաքացու իրավունքների պաշտպանության համար մղվող վճռական պայքարի տարի։ Ինչ վերաբերում է «7 օրի» աշխատանքային ռեժիմին, ապա այն ամբողջ ծավալով կվերականգնվի 2011–ի հունվարի 10–ից։