Մարտի 25-ին ոստիկանության Արաբկիրի բաժնում հաղորդում է ստացվել, որ ժամը 17.40-ի սահմաններում անհայտ ավտոմեքենայի վարորդը Գյուլբենկյան և Ավետիսյան փողոցների խաչմերուկում վրաերթի է ենթարկել 1979 թ. ծնված Մարինա Գ.-ին և 1975 թ. ծնված Ծովինար Ա.-ին, ովքեր վնասվածքներով տեղափոխվել են հիվանդանոց: Կատարվում է քննություն:

Մարտի 25-ին ոստիկանության Կենտրոնականի բաժնում հաղորդում է ստացվել, որ ժամը 06.00-ին Վարդանանց և Ալեք Մանուկյան փողոցների խաչմերուկում գտնվող ստորգետնյա ճանապարհին միմյանց են բախվել «ՎԱԶ-11183» և «ՎԱԶ-21015» մակնիշի ավտոմեքենաներ, ինչի հետևանքով «ՎԱԶ-11183»-ի վարորդը վնասվածքներով տեղափոխվել է հիվանդանոց:

Ճիզվիտների միաբանության պատմության մեջ ամենախոշոր փոխհատուցման պայմանավորվածությունը ձեռք է բերվել մարտի 25–ին։

մի բելգիացի ու մի պորտուգալացի 69 մլն–ական եվրո են շահել «Եվրամիլիոններ» լոտոյով, որը նախօրեին անցկացվել է Եվրոպայի 9 երկրներում՝ Ֆրանսիայում, Իսպանիայում, Ավստրիայում, Բելգիայում, Պորտուգալիայում, Մեծ Բրիտանիայում, Շվեյցարիայում, Իռլանդիայում և Լյուքսեմբուրգում։

Համաձայն «Հայաստանի Հանրապետության տարածքում ժամանակի հաշվարկման կարգի մասին» ՀՀ օրենքի` Հանրապետության տարածքում 2011 թվականի մարտի վերջին կիրակի օրը` 27-ին, ժամը 2:00-ին ժամացույցի սլաքները պետք է տանել 1 ժամ առաջ:

Նշանակո՞ւմ է դա նաև գումարային համապատասխան բարձրացում, դեռևս հայտնի չէ։

ԱՄՆ–ը դատապարտել է բռնությունները Սիրիայում՝ հայտարարելով, թե այդ երկրի ղեկավարությունը բռնաճնշումների է ենթարկում և վախեցնում իր քաղաքացիներին։ Իսկ ՄԱԿ–ի գլխավոր քարտուղար Բան Կի Մունը Սիրիայի կառավարությանը կոչ է արել առավելագույն զսպվածություն ցուցաբերել։

ԱՄՆ–ն արդեն անցել է Լիբիայում ցամաքային գործողության իրականացնելուն, չնայած Օբամայի վարչակարգը նման ծրագրերի առկայությունը ժխտում է։

ԱՄՆ Պետքարտուղարության ամենամյա զեկույցում նշվում է, որ թմրանյութերն Իրանից ու Աֆղանստանից անցնում են Վրաստանով ու Ադրբեջանով։ ԱՄՆ Պետքարտուղարությունն այս առիթով մտահոգված է։

«Որևէ վթարի, հրդեհի կամ այլ արտակարգ պատահարի մասին խոսք լինել չի կարող։ Անսարք վագոնը տեղափոխվել է հավաքակայան։ Այդ ընթացքում մետրոպոլիտենը կարճ ժամանակահատված աշխատել է միագիծ աշխատակարգով, ինչի պարագայում ուղևորափոխադրման համար որևէ խոչընդոտ չի ստեղծվել։ Մետրոպոլիտենն աշխատում է բնականոն աշխատակարգով և սահմանված չվացուցակով»,–ասված է պաշտոնական հաղորդագրությունում։

«Ինտերֆաքս»–ը ՌԴ ԱԳՆ սեփական աղբյուրից փոխանցում է, որ Հայաստանի, Ադրբեջանի և Ռուսաստանի արտգործնախարարների եռակողմ հանդիպումը, որը նախատեսվում էր մարտի 25–ին, հետաձգվել է։

15 հազ. հանդիսատեսի համար նախատեսված մարզադաշտի տոմսերը դեռևս 10 օր առաջ սպառվել են: Շառլ Ազնավուրի անվան հրապարակում՝ Սայաթ-Նովայի և Մաշտոցի պողոտաների խաչմերուկում, մեծ էկրան է տեղադրվելու, որպեսզի երկրպագուները հնարավորություն ունենան հետևելու այդ հանդիպմանը:

«Ֆրանս Փրես» գործակալությունը, հղում անելով Լիբիայի Առողջապահության նախարարությանը, հաղորդում է, որ ամենաքիչը 114 մարդ է զոհվել ու 445–ը վիրավորվել Լիբիայում Արևմուտքի 4 օրերի ռազմական գործողությունների հետևանքով։ Գերատեսչության ներկայացուցիչ Խալեդ Օմարի խոսքերով՝ մարտի 20–ից մինչ 23–ը 104 մարդ զոհվել է Տրիպոլիում, ևս 10 հոգի՝ Լիբիայի առաջնորդ Մուամար Քադաֆիի հայրենի Սիրտ քաղաքում։

Իրանի Իսլամական Հանրապետության նախագահ Մահմուդ Ահմադինեժադի հրավերով Նախագահ Սերժ Սարգսյանը մարտի 27-ին աշխատանքային այցով կմեկնի Թեհրան:

Լոռու մարզի ընդհանուր իրավասության դատարանը 2011 թվականի մարտի 20-ի որոշումով մերժել է Լոռու մարզի քննչական բաժնի քննիչի միջնորդությունը` ՀՀ քրեական օրենսգրքի 104-րդ հոդվածի 1-ին մասով մեղադրվող 2-րդ խմբի հաշմանդամ, 72 ամյա Մաքսիմ Պետրոսյանի նկատմամբ կալանավորումը որպես խափանման միջոց կիրառելու մասին միջնորդությունը:

Ազատության հրապարակում Ժառանգություն կուսակցության առաջնորդ Րաֆֆի Հովհաննիսյանի «Ծոմ ազատության» հացադուլը մարտի 25-ին թեւակոխեց 11-րդ օրը: Րաֆֆի Հովհաննիսյանի ինքնազգացողությունը կայուն է, իսկ տրամադրությունը` մարտական:

Այսպիսի ջերմաստիճանների դեպքում աստղի հատկությունները նմանվում են հսկա մոլորակների հատկություններին. օրինակ նրա մթնոլորտում կարող են նույնիսկ ջրային գոլորշիներ լինել: Հեղինակների կարծիքով, ապագայում բազմաթիվ այլ այսպիսի աստղեր կգտնվեն:

Անցած օրվա ընթացքում արևմուտյան կոալիցիոն զորքերը Լիբիայում 16 «Տոմահավկ» թևավոր հրթիռներ են արձակել։ Կոալիցիոն ռազմական ինքնաթիռները 153 թռիչք են իրականացրել։