«ՌԻԱ նովոստի»–ն, հղում անելով տեղական ԶԼՄ–ներին, գրում է, թե մի բելգիացի ու մի պորտուգալացի 69 մլն–ական եվրո են շահել «Եվրամիլիոններ» լոտոյով, որը նախօրեին անցկացվել է Եվրոպայի 9 երկրներում՝ Ֆրանսիայում, Իսպանիայում, Ավստրիայում, Բելգիայում, Պորտուգալիայում, Մեծ Բրիտանիայում, Շվեյցարիայում, Իռլանդիայում և Լյուքսեմբուրգում։

Հաղթողների մասին տեղեկատվություն չի հաղորդվում՝ անվտանգության նկատառումներից ելնելով։

Անցած տարի բելգիացիները երեք անգամ հաջողակ տոմսի տերեր էին դարձել։

«Եվրամիլիոններ»–ի ամենախոշոր շահումը եղել է 2010թ. հոկտեմբերին, երբ մի բրիտանացի 129 մլն եվրոյի կտրոն է ստացել։