«Ռուսաստանը «Նաբուկո» գազամուղով ոչինչ չի մատակարարելու։ Իրանական հանքերն առայժմ չեն ուսումնասիրվել, իսկ Ադրբեջանի հումքային ծավալները փոքր են։ Ավելին՝ Ադրբեջանը մատակարարման պայմանագիր է ստորագրել Ռուսաստանի հետ»,-հայտարարել է ՌԴ վարչապետը։ Նշենք, որ «Նաբուկոյի» շինարարությունը նախատեսված է սկսել 2012թ.-ին։ Նախագծի իրականացումը կարժենա 7,9 մլրդ եվրո։ Գազամուղի առավելագույն հզորությունը կկազմի 31 մլրդ խորհանարդ մետր։

Ադրբեջանի ԱԳՆ. «Ադրբեջանը հույս ունի, որ ԼՂ հակամարտության հարցում միջազգային հանրության վճռական դիրքորոշումը կնպաստի տարածաշրջանում տևական խաղաղության, կայունության փոխադարձ վստահության հաստատմանը, ինչպես նաև կստիպի Հայաստանին Մադրիդյան սկզբունքների հիման վրա սկսել հակամարտության լուծման հիմնարար փաստաթղթի մշակման աշխատանքները»:

«Մենք պետք է մեր ձայնը բարձրացնենք ի լուր աշխարհի, ի լուր մեր քաղաքացիների։ Եթե ամեն մեկը մտածի, թե ինչ կլինի, էն մեկը դուրս գա, բան չի լինի, էս մեկը դուրս գա, բան չի լինի, մենք կդառնանք ժողովուրդ, ոչ թե ազգ, իսկ մենք ազգ ենք և եթե մենք այսօր չըմբոստանանք անարդարության դեմ... այսօր թեման լինելու է ոչ միայն ԱԼՄ-ի փակումը, այլ ընդհանրապես անարդարությունը, ամենաթողությունը, մենաշնորհը, բռնապետական մոտեցումները»։

Հունվարի 5-ի լույս 6-ի գիշերը 88-ամյա հասակում մահացել է աշխարհահռչակ խմբավար և երգահան Օհան Դուրյանը: Հայաստանի անկախացումից հետո նա վերադարձավ հայրենիք և ստանձնեց Հայաստանի ազգային Օպերայի նվագախմբի գլխավոր դիրիժորի պարտականությունները: 2002-2006թթ ղեկավարել է Մոսկվայի սիմֆոնիկ նվագախումբը: Մեծանուն երաժիշտն աշխատել է աշխարհի 110 երկրների նվագախմբերի հետ:

Այսօր' ժամը 17:30-ին, հայաստանյայց առաքելական բոլոր եկեղեցիներում մատուցվել է Ճրագալույցի տոնական Սուրբ պատարագ' ազդարարելով Սուրբ Ծննդյան ավետիսը: Մարդիկ եկեղեցում վառված մոմերը իրենց հետ տուն են տարել: Տարին 2 անգամ է մատուցվում ճրագալույցի պատարագ' Սուրբ Ծննդյան և Սուրբ Հարության տոներին: Ճրագալույց նշանակում է ճրագ (մոմ) լուցանել, այսինքն' վառել: Ճրագալույցը խորհրդանշում է բեթղեհեմյան աստղի լույսը, որն առաջնորդեց մոգերին դեպի Հիսուս Մանուկ: