-Լինելու են հերթական ընտրություններ, և ընտրվելու է Սերժ Սարգսյանը։ Գոնե ես ամեն ինչ անելու եմ, որ ինքը ընտրվի,-հրավիրված մամլո ասուլիսի ժամանակ Ազգային ժողովի նախագահ Հովիկ Աբրահամյանը այսպես է պատասխանել լրագրողի հարցին, թե ո՞վ է լինելու հանրապետության հաջորդ նախագահը, և նա ընտրվելու է հերթակա՞ն, թե՞ արտահերթ ընտրությունների միջոցով։

Այնքան մարդիկ կան, որ պատահական կարող են դառնալ քաղաքական գործիչ, բայց չկա մի մարդ, որ պատահական դառնա գործարար։ Եթե պատահական դառնա, կարճ ժամանակ հետո կունենա ֆինանսական պրոբլեմ և կսնանկանա։ Իսկ մեկը կարող է պատահական ընտրվել պատգամավոր և 5 տարի դառնա քաղաքական գործիչ,-հայտարարել է ԱԺ նախագահը։