Բելառուսի նախագահ Ալեքսանդր Լուկաշենկոն որդու հետ երկօրյա պետական այցով գտնվում է Վրաստանում: Այնտեղ նա կհանդիպի Վրաստանի նախագահ Գեորգի Մարգվելաշվիլիի հետ:

Հիշեցնենք՝ ավելի վաղ նշվել էր, որ Վրաստանի նախագահը Երևանում չի մասնակցելու Հայոց ցեղասպանության 100-րդ տարելիցի հիշատակի միջոցառումներին, քանի որ պետք է ընդունի Ալեքսանդր Լուկաշենկոյին։

Ապրիլի 23-24–ին Վրաստանից Հայաստան կժամանի Վրաստանի խորհրդարանի փոխխոսնակ Մանանա Կոբախիձեի գլխավորած պատվիրակությունը։

Իսկ Թուրքիայում Գալիպոլիի ճակատամարտի 100-ամյակի միջոցառմանը կմասնակցեն Վրաստանի պաշտպանության նախարար Մինդիա Ջանելիձեն և անվտանգության ու պաշտպանության հարցերով խորհրդարանական հանձնաժողովի նախագահ Իրաքլի Սեսիաշվիլին։

7or.am