Կարծիք

04.02.2015 11:42


Սևակ Դանիելյան. «Արևմտամետ» Սարգսյանի օրոք Հայաստանում մի շարք արևմտյան կառույցներ դադարեցրին իրենց գործունեությունը

Սևակ Դանիելյան.  «Արևմտամետ» Սարգսյանի օրոք Հայաստանում մի շարք արևմտյան կառույցներ դադարեցրին իրենց գործունեությունը

Այսօր թերթերից մեկը տեղեկություն տարածեց, ըստ որի` ամերիկացի հայտնի բարերար Ջոն Հանթսմանը դադարեցնում է իր բոլոր ծրագրերը, որ իրականացնում էր Հայաստանում: Պետք է նշել, որ Հանթսմանն առաջինը չէ Արևմուտքից, ով Հայաստանում իր գործունեությունը դադարեցրել է «արևմտամետ» Սերժ Սարգսյանի օրոք: Մինչ այդ «Լինսի» հիմնադրամը և «Հազարամյակների մարտահրավերներ» ծրագիրը նույնպես դադարեցրել էին իրենց գործունեությունը մեր երկրում` Սերժ Սարգսյանի օրոք: «Հազարամյակի մարտահրավերների» պատասխանատուները, հավանաբար, այդպես էլ չներեցին Հայաստանին այն, որ նախկին վարչապետ Տիգրան Սարգսյանն իրենց կողմից տրամադրված 16.6 միլիոն դոլարը ծախսեց կովերի պտուկների լվացման մասին դասախոսությունների վրա:

Նշեմ նաև, որ վերջին տարիներին ԱՄՆ-ի` Հայաստանին տրամադրվող օգնությունը կազմում է տարեկան մոտ 18 միլիոն դոլար: Համեմատության համար, սակայն, նշեմ, որ «ռուսամետ» Քոչարյանի օրոք ԱՄՆ-ից մեր երկրին տրամադրվող օգնությունը հասնում էր 100 միլիոն դոլարի:

Այս ամենը գրեցի նրա համար, որ մարդիկ իրենց հրապարակային ելույթներում փորձեն քաղաքական գործիչներին գնահատականներ տալուց հիմնվել փաստերի վրա, այլ ոչ թե կուրորեն հետևեն Բաղրամյան 26-ից ղեկավարվող «գեբելսյան» քարոզչամեքենային: Օրինակ՝ Արևմուտքում և, առհասարակ, աշխարհում հիմնվում են ոչ թե խոսքերի, այլ գործերի վրա, այդ իսկ պատճառով տարիներ առաջ մենք Արևմուտքի և Ռուսաստանի հետ գործընկերային հարաբերություններ ունեինք, իսկ այսօր մեր երկրից արտասահմանյան բոլոր ներդրողներն ուղղակի փախնում են:Եվ սա միմիայն Սերժ Սարգսյանի վարած քաղաքականության հետևանքն է:

Սևակ Դանիելյանի ֆեյսբուքյան էջից

Այս խորագրի վերջին նյութերը