Ազգային բանակի երկու զորամասերի անձնակազմերի համար սեպտեմբերի 17-ի առավոտյան վերկացը տարբերվել է մյուս օրերից: Պաշտպանության նախարար Սեյրան Օհանյանը վաղ առավոտյան անակնկալ այցով եղել է այդ զորամասերում: Նպատակ ունենալով տեղում ծանոթանալու և ստուգելու անձնակազմի առօրյա ծառայության մի դրվագը՝ վերկացը, նախարարը ստուգել է նաև դասացուցակների առկայությունը, պարապմունքների անցկացման ժամանակացույցը, զորամասի վերակարգի՝ հերթապահների և օրապահների պարտականությունների իմացությունը, ամհրաժեշտ փաստաթղթերը: Հանկարծակի ստուգման արդյունքում արձանագրված որոշ թերությունները վերացնելու համար Սեյրան Օհանյանը զորամասերի սպայական անձնակազմերին տվել է հանձնարարականներ և առաջադրել խնդիրներ: