Ծնվել է 1964թ. Երևանում: 1985թ. գերազանցությամբ ավարտել է Երևանի ժողտնտեսության ինստիտուտը: 1989թ. պաշտպանել է թեկնածուական թեզ և ստացել տնտեսագիտական գիտությունների թեկնածուի գիտական աստիճան:

1991թ-ից աշխատել է ՀՀ սննդի արդյունաբերության նախարարությունում նախ որպես առաջին կարգի մանագետ, իսկ այնուհետ՝ գլխավոր մասնագետ, ապա՝ բաժնի պետ:

1992 թ. աշխատել է ՀՀ էկոնոմիկայի նախարարությունում՝ զբաղվելով շուկայական հարաբերությունների կարգավորմանը վերաբերող պետական իշխանության որոշումների իրականացման նկատմամբ վերահսկողությամբ:

1992-1996թթ. աշխատել է Երևանի Մյասնիկյանի շրգործկոմի նախագահի տեղակալ, Երևանի «Կենտրոն» վարչական տարածքի նախագահի առաջին տեղակալ:

1994-1998թթ. հանդիսացել է ՀՀ կառավարության տնտեսագիտական պրոբլեմների գիտահետազոտական ինստիտուտի դոկտորանտ:

1998–2000թթ. աշխատել է ՀՀ կառավարությանն առընթեր տեղեկատվության և գրահրատարակչության վարչությունում (նախկինում` Հեռուստառադիոպետկոմ) որպես պետի տեղակալ:

2000-2003թթ. հանդիսացել է ՀՀ կառավարության կառուցվածքային և գործառութային բարեփոխումների հարցերով խորհրդական, իսկ 2003-2004թթ.՝ ՀՀ կառավարության պետական կառավարման համակարգի բարեփոխումների հանձնաժողովի ՀՀ պետական վերահսկողության, արտաքին և ներքին աուդիտի, ՀՀ դատաիրավական համակարգի բարեփոխումների հարցերով խորհրդական:

2004-2011թթ. աշխատել է ՀՀ գլխավոր դատախազությունում որպես ֆինանսատնտեսական վարչության պետ:

2004-2007թթ. հանդիսացել է Երևանի պետական տնտեսագիտական համալսարանի պետական և մունիցիպալ կառավարման ամբիոնի դասախոս:

2011-2013թթ. աշխատել է Երևանի Մ.Հերացու անվ. պետական բժշկական համալսարանում որպես ֆինանսատնտեսական գծով պրոռեկտոր:

2000 թ.-ից առ այսօր դասավանդում է ՀՀ պետական կառավարման ակադեմիայում:

2001թ. ընտրվել է ՄԱԿ-ի «Մարդկային զարգացման զեկույցի» պետական կառավարման արդյունավետության բարձրացման հիմնահարցերով փորձագետ:

2002-2005թթ. հանդիսացել է ՀՀ քաղաքացիական ծառայության Խորհրդի մրցութային և ատեստացիոն հանձնաժողովների անդամ:

Հեղինակ է պետական կառավարման բարելավմանը վերաբերող 30-ից ավել գիտական աշխատությունների և հոդվածների:

Ամուսնացած է, ունի երկու երեխա: