-ՕԵԿ-ն աջակցում և սատարում է հայ-թուրքական հարաբերությունների կարգավորման գործին։ Մենք ողջունում ենք տեղի ունեցող գործընթացը և պատրաստ ենք հնարավորինս աջակցել,-«Փաստարկ» ակումբում հրավիրված մամլո ասուլիսում ասել է «Օրինաց երկիր» կուսակցության ներկայացուցիչ Հեղինե Բիշարյանը։ Նա կարևորել է, որ հայ-թուրքական հարաբերությունների հետ կապված՝ կոալիցիոն քաղաքական ուժերը միանման են մտածում, համընկնող տեսակետներ ունեն։

-Սա խոսում է այն մասին, որ Հայաստանի յուրաքանչյուր քաղաքացու համար խիստ կարևոր է, որպեսզի հայ-թուրքական հարաբերությունները կարգավորվեն,-ասել է Հ. Բիշարյանը։

Պատասխանելով հարցին, թե նախաստորագրված արձանագրություններում բոլո՞ր կետերն են հայանպաստ, և չկա՞ն այնպիսիք, որոնք մտահոգում են ՕԵԿ-ին, ինչպես օրինակ, ՀՅԴ-ին՝ Հ. Բիշարյանն ասել է.

- Դաշնակցությունն ավանդական կուսակցություն է և իր ավանդական մոտեցումներն ունի: Հենց այսօր շատ կարևոր է, որ մենք հնարավորություն ունենանք նախ՝ կարգավորելու այդ հարաբերությունները, հետո կարող ենք մանրամասների մեջ մտնել: Այս պահին ես չունեմ որևէ փաստ, որ ասեմ՝ սրան  ՕԵԿ-ը դեմ է:

7or.am