Ինչպես տեղեկացրել ենք, ՀՀ ոստիկանության  Գյումրի քաղաքի բաժնի պետ Շ. Շահնազարյանի դեմ պաշտոնական լիազորություններն անցնելու դեպքի առթիվ ՀՀ հատուկ քննչական ծառայությունում քրեական գործ է հարուցվել։ «7օր»-ի «Ինչպե՞ս կմեկնաբանեք Ձեր դեմ հարուցված քրեական գործի փաստը, հատկապես այն, որ Դուք ծեծի եք ենթարկել քաղաքացի Գրիգոր Վարպետյանին և ապօրինի պահել  շուրջ 7 ժամ» հարցին Շիրակ Շահնազարյանը պատասխանել է. «Ես ոչ մեկին էլ չեմ ծեծել, ոչ մի նման դեպք չի եղել: Վերջապես, թողեք՝ գործով զբաղվենք, առավոտից իրիկուն հանցագործություններ, գողություններ ենք բացահայտում, չեք թողնում, որ աշխատենք: Ասում եմ՝ նման բան չի եղել, ուրիշ մեկնաբանություն չունեմ»:

Դերենիկ Մալխասյան

Գյումրի