Լատվիան փոփոխություններ չի մտցնի պետական լեզվի մասին օրենքում ՄԱԿ–ի հորդորով։ Այս մասին այսօր հայտարարել է երկրի կրթության նախարար Իվա Դրուվիետեն։ ՄԱԿ–ի մարդու իրավունքների զեկույցում, որը հրապարակվել է նախորդ շաբաթ, նշվում է, որ Լատվիայի պետական լեզվի մասին օրենքը խտրականության տարրեր է պարունակում Լատվիայի ազգային փոքրամասնությունների նկատմամբ։ ՄԱԿ–ի՝ մարդու իրավունքների գործերով կոմիտեն հորդորել է փոփոխել օրենքը և այն ավելի ընկերական դարձնել ազգային փոքրամասնությունների համար։ Դրուվիետեի խոսքերով` Լատվիան չի պատրաստվում փոփոխություններ կատարել պետական լեզվի մասին օրենքում։

Տեղեկացնում է «ՌԻԱ նովոստի»–ն։