«Ժամանակ» օրաթերթի համակարգող Էմմա Գաբրիելյանը մի շարք լրատվամիջոցների տեղեկացրել է, որ այսօր ժամը 15. 00-ին «Դատապարտյալների հիվանդանոց» քրեակատարողական հիմնարկից ազատ է արձակվելու «Ժամանակ Երևան» օրաթերթի գլխավոր խմբագիր Արման Բաբաջանյանը:

Ա. Բաբաջանյանի պատժաժամկետը լրանում է սեպտեմբերի 16-ին, սակայն նա առողջության հետ կապված լուրջ խնդիրներ ունի։

Նախօրեին Ա. Բաբաջանյանը հայտարարել էր ցավազրկող դեղորայքից հրաժարվելու մասին։ Տեղեկություններ կան նաև այն մասին, որ «Դատապարտյալների հիվանդանոց» քրեակատարողական հիմնարկի վարչական հանձնաժողովը պատրաստվում է արագացված կարգով քննել Ա. Բաբաջանյանին ազատ արձակելու հարցը:

7or.am