Այսօր կանանց նկատմամբ բռնությունների դեմ պայքարի միջազգային օրն է։ Հայաստանում, ինչպես աշխարհի 160 երկրներում, այսօր մեկնարում են ամենամյա քարոզարշավներն ու գործողությունները, որոնք Հայաստանում կտևեն մինչև դեկտեմբերի 10-ը՝ Մարդու իրավունքների միջազգայն օրը։

16-օրյա քարոզարշավի արմատները հետ են գնում դեռևս 20-րդ դար և հիմնված են երկու պատմական իրադարձությունների վրա: Նախ, 1960թ. նոյեմբերի 25-ին Դոմինիկյան Հանրապետությունում դաժանաբար մահապատժի ենթարկվեցին Միրաբալ 3 քույրերը, ովքեր քաղաքական ակտիվիստներ էին և դարձել էին Թրուհիլյո վարչակարգի դիմադրության խորհրդանիշ: Ապա, 1989թ. դեկտեմբերի 6-ին Կանադայում Մարկ Լիշիպենը կրակել և սպանել էր Մոնրեալի համալսարանի  իգական սեռի 14 ուսանողների: Նա վստահ էր, որ ինժեներական ֆակուլտետ իր չընդունվելու պատճառը իգական սեռի ուսանողների քանակն էր:

7or.am