ՀՀ կրթության և գիտության նախարարությունն արդեն 4-րդ տարին, է ինչ կազմակերպում է Հայոց լեզվի և գրականության համահայկական օլիմպիադա և հայագիտական գիտելիքների մրցույթ։ Ծրագրի նպատակն է արտերկրում բնակվող հայ երեխաների շրջանում խրախուսել հայոց լեզվի, գրականության, պատմության և մշակույթի իմացությունը, օգնել նրանց՝ ճանաչել հայրենիքը։ Այս տարի մրցույթին մասնակցելու հայտ է ներկայացրել 133 աշակերտ 12 երկրից (ԱՄՆ, Բուլղարիա, Էստոնիա, Իրան, Լիբանան, Ռուսաստան, Սիրիա, Սերբիա, Վրաստան, Ուկրաինա, ԼՂՀ, Հայաստան)։

Հայոց լեզվի և գրականության համահայկական օլիմպիադայի և հայագիտական գիտելիքների մրցույթի բացման արարողությունը տեղի է ունեցել Առնո Բաբաջանյան համերգասրահում։

Մրցույթի մասնակիցներին իրենց ողջույններն են հղել Ն.Ս.Օ.Տ.Տ. Գարեգին Բ Վեհափառ հայրապետը և ՀՀ նախագահ Սերժ Սարգսյանը։

7or.am