Կարինե Նալչաջյան. «Ընտանիքում դավաճանության պատճառը սպասելիքների չարդարանալն է»
«7օր»-ի հետ զրույցում հոգեբան Կարինե Նալչաջյանը խոսել է ընտանեկան դավաճանությունների մասին և ասել, որ դավաճանությունների թվի որոշակի աճ կա։ Դա կարող է պայմանավորված լինել մշակութային չափորոշիչների փոփոխությամբ։
-Մեր էթնամշակութային միջավայրում ամուսնական դավաճանությունը, հատկապես կնոջ դավաճանությունը, անընդունելի է,-ասել է նա՝ ավելացնելով, որ ընտանեկան արժեքները մեզանում այնպիսի կենտրոնական նշանակություն ունեն, որ ամուսնական դավաճանությունը դիտարկվում է որպես ընտանիքի հիմքերը կործանող գործոն։
Ընդհանրապես, մարդիկ ամուսնությունից որոշակի ակնկալիքներ և սպասելիքներ ունեն։ Կինը ամուսնու դերի վերաբերյալ որոշակի պատկերացումներ և ակնկալիքներ ունի, նույնն էլ՝ տղամարդը։ Եվ երբ այդ ակնկալիքները չեն արդարանում, մարդը հիասթափություն է ապրում և սկսում է իր համար ավելի հաճելի հանդիպումներ ու շփումներ որոնել ընտանիքից դուրս։
-Այսինքն, ընտանիքում դավաճանության պատճառը հիմնականում սա է՝ երբ սպասելիքները չեն արդարանում,-նշել է հոգեբանը։
Նա նաև հավելել է, որ ամուսնական դավաճանության կարևորագույն պատճառներից մեկն էլ սոցիալական անբարենպաստ, այժմ՝ նույնիսկ բարենպաստ պայմաններն են՝ նկատի ունենալով այն, որ այժմյան «օլիգարխների» համար երիտասարդ և գեղեցիկ սիրուհի ունենալն ընկալվում է որպես իրենց գրպանի պարունակությունն ապացուցող մի բաղադրիչ։
Կարինե Նալչաջյան. «Ընտանիքում դավաճանության պատճառը սպասելիքների չարդարանալն է»
«7օր»-ի հետ զրույցում հոգեբան Կարինե Նալչաջյանը խոսել է ընտանեկան դավաճանությունների մասին և ասել, որ դավաճանությունների թվի որոշակի աճ կա։ Դա կարող է պայմանավորված լինել մշակութային չափորոշիչների փոփոխությամբ։
-Մեր էթնամշակութային միջավայրում ամուսնական դավաճանությունը, հատկապես կնոջ դավաճանությունը, անընդունելի է,-ասել է նա՝ ավելացնելով, որ ընտանեկան արժեքները մեզանում այնպիսի կենտրոնական նշանակություն ունեն, որ ամուսնական դավաճանությունը դիտարկվում է որպես ընտանիքի հիմքերը կործանող գործոն։
Ընդհանրապես, մարդիկ ամուսնությունից որոշակի ակնկալիքներ և սպասելիքներ ունեն։ Կինը ամուսնու դերի վերաբերյալ որոշակի պատկերացումներ և ակնկալիքներ ունի, նույնն էլ՝ տղամարդը։ Եվ երբ այդ ակնկալիքները չեն արդարանում, մարդը հիասթափություն է ապրում և սկսում է իր համար ավելի հաճելի հանդիպումներ ու շփումներ որոնել ընտանիքից դուրս։
-Այսինքն, ընտանիքում դավաճանության պատճառը հիմնականում սա է՝ երբ սպասելիքները չեն արդարանում,-նշել է հոգեբանը։
Նա նաև հավելել է, որ ամուսնական դավաճանության կարևորագույն պատճառներից մեկն էլ սոցիալական անբարենպաստ, այժմ՝ նույնիսկ բարենպաստ պայմաններն են՝ նկատի ունենալով այն, որ այժմյան «օլիգարխների» համար երիտասարդ և գեղեցիկ սիրուհի ունենալն ընկալվում է որպես իրենց գրպանի պարունակությունն ապացուցող մի բաղադրիչ։