Ինչպես տեղեկացնում է «Agence France-Presse» գործակալությունը՝ հղում կատարելով Վենեսուելայի արտգործնախարարության հայտարարությանը, Հոնդուրասի վտարված նախագահ Մանուել Սելայան կիրակի օրը մեկնել է Վաշինգտոնից, որպեսզի վերադառնա հայրենիք։

Նիկոլաս Մադուրոյի խոսքերով՝ վտարված նախագահի ինքնաթիռը Գրինվիչի ժամանակով ժամը 23։00-ին վայրէջք կկատարի Տեգուսիգալպում։

Ավելի վաղ էր հայտնի, որ Սելայան մտադիր է վերադառնալ՝ չնայած նրան, որ Հոնդուրասի ժամանակավոր կառավարությունը խոստացել էր նրա ինքնաթիռի առջև փակել օդային ճանապարհը։

«Associated Press»-ի հաղորդմամբ՝ հայտնի է դարձել, որ վտարված նախագահի հետ մեկնել է նաև ՄԱԿ-ի Գլխավոր ասամբլեայի ներկայացուցիչ Միգել դ'Էսկոտո Բրոկմանը (Miguel d'Escoto Brockmann)։

Էկվադորի, Արգենտինայի և Պարագվայի  նախագահները հրաժարվել են  Մանուել Սելայային ուղեկցելու մտադրությունից։

Ըստ «Lenta.ru»-ի