ՀՀ Սահմանադրական դատարանում շարունակվում է ՀՀ նախագահի նախկին թեկնածուներ Րաֆֆի Հովհաննիսյանի և Անդրիաս Ղուկասյանի դիմումների քննությունը, որով նրանք պահանջում էին անվավեր ճանաչել 2013թ. փետրվարի 18–ի նախագահական ընտրությունների արդյունքները:

Այժմ Սահմանադրական դատարանը խորհրդակցական սենյակում է, որտեղ քննարկում է դիմող կողմի մի շարք միջնորդությունները:

Նշենք, որ ՍԴ–ն ընդամենը մեկ օր ունի գործի քննությունն ավարտելու և վճիռ կայացնելու համար:

Հայցի քննությունը սկսվել է մարտի 11-ին։ ՍԴ–ն իր որոշումը պետք է կայացնի հայցն ստանալուց հետո՝ 10 օրվա ընթացքում: Դատարանն արդեն 3–րդ օրն է՝ քննում այդ գործը, իսկ մարտի 14-ին պետք է իր վճիռը կայացնի:

7or.am