Մարտի 14-ին` ժամը 19:00–ին, գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ ՀՊԵՆ հրավերով Արամ Խաչատրյան համերգասրահում երևանյան հանդիսատեսին կներկայանա Վլադիմիր Սպիվակովի միջազգային բարեգործական հիմնադրամի կրթաթոշակառու, «Շելկունչիկ» պատանի երաժիշտների 13-րդ միջազգային հեռուստատեսային մրցույթի դափնեկիր, կլարնետահար Էրիկ Միրզոյանը:

Երեկոյի ընթացքում նվագախումբը և պատանի մենակատարը հանդես կգան Սերգեյ Տանեևի (Կանցոնա կլարնետի և լարային նվագախմբի համար) և Յոհան Սեբաստիան Բախ/Շառլ Գունոյի (Ավե Մարիա կլարնետի և լարային նվագախմբի համար) ստեղծագտործությունների համատեղ կատարմամբ:

ՀՊԵՆ ծրագրում կներառվեն նաև Ղ. Սարյանի և Դ. Շոստակովիչի ստեղծագործություններից: