Մարդու իրավունքների միջազգային օրվան նվիրված նախաձեռնությունների թվում են<<Մարդու իրավունքները թվային դարաշրջանում>> խորագրով միջազգային կինոփառատոնիմրցանակաբաշխությունը, մարդու իրավունքների թեմայի շուրջ բանավեճ երիտասարդների հետ և ռոք համերգ` <<Որդան Կարմիր>>, <<Բամբիռ>>, <<Դոգմա>> և <<Լավ Էլի>> խմբերի կատարմամբ, որոնք տեղի կունենան ԵԱՀԿ երևանյան գրասենյակի, ՄԱԿ - ի հայաստանյան գրասենյակի, Հայաստանի Մարդու իրավունքների պաշտպանի գրասենյակի, Եվրոպայիխորհրդի հայաստանյան գրասենյակի, Եվրոպական միության հայաստանյան պատվիրակության աջակցությամբ ս.թ. դեկտեմբերի 10-11 ք. Երևանում և ք. Վանաձորում:

Սիրով հրավիրում ենք լրագրողներին` լուսաբանելու բացման միջոցառումը

Ս.թ. դեկտեմբերի 10-ին` Երկուշաբթի` ժամը 14:50-ին <<Կոնգրես>> հյուրանոցի <<Պիկասո>> դահլիճում, ք. Երևան (Դեկտեմբերի 10-ի միջոցառումների թվում են` միջազգային կինոփառատոնի մրցանակաբաշխությունը, մրցանակակիր ֆիլմերի ցուցադրություն և երիտասարդական բանավեճ):

Միջոցառմանը  բացման խոսքով հանդես կգան ԵԱՀԿ երևանյան գրասենյակի  ղեկավար դեսպան Անդրեյ Սորոկինը, ՄԱԿ-ի հայաստանյան գրասենյակի մշտական համակարգողի պաշտոնակատար Հենրիետ Արենսը, Հայաստանում մարդու իրավունքների պաշտպան ԿարենԱնդրեասյանը, Հայաստանում Եվրոպական միության պատվիրակության դեսպան ՏրայանՀրիստեան,  Եվրոպայի խորհրդի հայաստանյան գրասենյակի ղեկավար Սիլվիա Զեհեն, ՀՀարտաքին գործերի նախարարության միջազգային կազմակերպությունների վարչության պետ Վահրամ Կաժոյանը:

Սիրով հրավիրում ենք լրագրողներին Ռոք համերգին, որը տեղի կունենա ս.թ. դեկտեմբերի 11–ին`  Երեքշաբթի, 17:00-ին, ք. Վանաձորում`<<Որդան Կարմիր>>, <<Բամբիռ>>, <<Դոգմա>> և <<Լավ Էլի>> խմբերի կատարմամբ: Ողջույնի խոսքով հանդես կգան  ԵԱՀԿ երևանյան գրասենյակի Մարդու իրավունքների ծրագրի ղեկավար Վլադիմիր Չունտուլովը,  ՄԱԿ–ի հանրային տեղեկատվության վարչության պետ Մարիա Դոցենկոն և ԵՄպատվիրակության և Հայաստանի մարդու իրավունքների պաշտպանի գրասենյակի ներկայացուցիչներ: